2 TISEBA, 2020
IROGO MAI VEIYASA I VURAVURA
Vakacaca na Cagilaba o Iota
Vanua
Merika e Loma, Colombia kei Mexico
Leqa tubukoso
Ena ika15 kei na ika16 ni Noveba 2020, e vakacaca na cagilaba o Iota ena vualiku kei Colombia. E category 5 na kena kaukaua qai vakacaca vakalevu ena yanuyanu o San Andrés kei Providencia ena Wasa na Caribbean
Na bi ni uca e vakavuna na waluvu kei na sisi ni qele
Ena ika16 ni Noveba 2020, e vakacaca e Nicaragua kei na so tale na vanua e Merika e Loma. E kuria na vakacaca e cakava na cagilaba o Eta ena itekitekivu ni vula o Noveba
Kedra ituvaki na tacida
Merika e Loma
Costa Rica
Era tokitaki e 22 na dautukutuku
Guatemala
Era tokitaki e 93 na dautukutuku
Honduras
Era tokitaki e 1,531 na dautukutuku
E mavoa e 2 na dautukutuku
Nicaragua
Era tokitaki e 75 na dautukutuku
Panama
Era tokitaki e 16 na dautukutuku
Colombia
E ramusu na ligana e 1 na dautukutuku e Providencia
E mavoa e 1 na dautukutuku e San Andrés
Mexico
Era tokitaki e 1,248 na dautukutuku e Tabasco kei Veracruz
Vakacaca ni vale
Merika e Loma
Costa Rica
Vakacacani e 9 na vale
Guatemala
Vakacacani e 18 na vale
Vakacacani vakalailai e 7 na Vale ni Soqoni
Vakacacani vakalevu e 2 na Vale ni Soqoni
Honduras
Vakacacani vakalailai e 7 na Vale ni Soqoni
Vakacacani e 227 na vale
Nicaragua
Vakacacani e 106 na vale
Vakacacani vakalailai e 3 na Vale ni Soqoni
Panama
Vakacacani e 5 na vale
Vakacacani vakalevu e 2 na Vale ni Soqoni
Colombia
E tukuni ena dua na ripote ni levu na tacida e Providencia e vakacacani vakalevu nodra vale. E vakarusai tale ga na Vale ni Soqoni. E dredre na veitaratara vei ira na mataveitacini e kea ni vakacacana na cagilaba na wa ni talevoni kei na livaliva
Vakacacani vakalailai e 20 na vale kei na 1 Vale ni Soqoni e San Andrés
Mexico
Vakacacani e 184 na vale
Cakacaka ni vakacoko
Sa tuvanaka na Komiti ni Tabana e Colombia e dua na Komiti ni Vakacoko (DRC) me vukei ira na tacida. Era cakacaka vata na DRC kei ira na ivakatawa ni tabacakacaka ena nodra vukei vakayago na tacida, vakayalo tale ga
Sa tuvanaka na valenivolavola ni tabana e Merika e Loma e va na Komiti ni Vakacoko me vukei ira na tacida era vakaleqai ena cagilaba o Eta kei Iota e Merika e Loma kei Mexico. Era sa veivakayaloqaqataki tiko na ivakatawa ni tabacakacaka, era veivuke tale ga vei ira na vuvale era vakaleqai. Kuria ya, era veivuke tale ga na ivavakoso ena kena vakarautaki na kakana vei ira e sivia na 400 na tacida e Honduras kei Nicaragua. Era sa vakaicilitaki tale ga eso na tacida ina nodra vale na mataveitacini era sega ni vakaleqai ena cagilaba
O ira na tacida era veivuke ena vakacoko era muria tiko ga na vakatatabu ni COVID-19
Era sotava na tacida na ituvaki dredre me vaka na leqa tubukoso. Ia era nuitaki Jiova tiko ga me nodra ivakaruru.—Same 142:5.