Ena ika6 ni Noveba 2024, sa vakadonuya na Planning Board ena tauni o Ramapo me caka na tarataravaki. Ena tekivu sara ga qo na cakacaka.

Ena June 2023, sa vakadonuya na Planning Board eso na vanua me taravaki e Ramapo. Eso na ka sa caka tiko kina me vaka na kau laivi ni vunikau. Ia na veivakadonui qo, ena tekivu caka kina na matamata levu, ena kau laivi tale ga na vatu me rawa ni caka na yavu ni vale. Sa na tekivu biu tale ga na paipo ni wai e ruku ni qele.

E kaya o Brother Kevin Page, e lewe ni Komiti ni Tarataravaki: “Keitou marautaka vakalevu na veivakadonui qo! Na ka kece e caka, keitou raica ni vakalougatataka o Jiova na neitou vosovoso kei na neitou cakacaka vakaukaua. Dua na ka neitou vakavinavinakataki koya, qai masulaka ni na vakalougatataka tiko na cakacaka qo.”

Nida mataveitacini e vuravura raraba, eda marautaka na ka e yaco qori. Meda masulaka tale ga ni na vakalougatataka o Jiova na cakacaka qo, kei ira kece na vakaitavi kina!​—Akeai 1:14.