Ena ika3 ni Maji 2020, ena tauca na Mataveilewai e Yalta, e Crimea, na lewa vei Brother Artem Gerasimov. E vinakata na dauveibeitaki me ono veimama na yabaki e valeniveivesu ena vuku ni nona vakabauta.

Ena ika20 ni Maji 2020, era vesuki qai vakatarogi Brother Gerasimov na vakailesilesi (Federal Security Service), ni oti ga nodra curuma e walu nodra vale na iVakadinadina i Jiova ena rua na siti o Alupka kei Yalta, e Crimea. Nira vaqaqara tiko era taura na kompiuta, iyaya vakalivaliva kei na so na iVolatabu. E dau sosoqoni o Artem Gerasimov kei ira eso mera veivosakitaka na iVolatabu, ra mani beitaki koya kina na vakailesilesi ni tuvanaka na cakacaka e vakavuna na tiko yavavala.

Eda nuidei o Jiova ena vukei ira na tacida mera yaloqaqa tiko ga qai kaukaua, nira vosota na veibeitaki vakailasu ni nodra vakabauta.—Same 138:3.