Ena ika17 ni Tiseba 2021, e vakarautaka e dua na ivola na matabose na International Religious Freedom or Belief Alliance a (IRFBA), me baleti ira na iVakadinadina i Jiova era vakacacani ena vuku ni nodra vakabauta. E vakarota mera sere kece na tacida era vesu tu. Mera kua tale ga ni vakararawataki, vakacacani, vakaduiduitaki se me caka na vaqaqara e nodra vale.

E sivia ni 150 na iVakadinadina i Jiova e veiyasa i vuravura era vesu ena vuku ni nodra vakabauta ena veivanua me vakai Crimea, Eritrea, Rusia, Singapoa, kei Tajikistan. Era vakaraitaka na lewe ni matabose ni IRFBA, na nodra “kauaitaka vakabibi” nodra “vakacacani tiko vakalevu na iVakadinadina i Jiova.” E kaya tale ga ni tiko na nodra dodonu na tacida mera vakaraitaka na nodra vakabauta, e sega gona ni dodonu mera “vakarerei, vakatotogani, vakaduiduitaki se vakacacani.”

Eda vakavinavinakataka nodra vakaraitaka na veimatanitu nira tokona na noda dodonu ni sokalou. Koya e bibi sara, eda kila ni o Jiova ena taqomaki ira na tacida era vakacacani, qai “vakacegui ira tiko ga.”—Aisea 26:3.