Ena Noveba 2021, era veisoliyaka na iVakadinadina i Jiova e veiyasa i vuravura na Vale ni Vakatawa Nb. 2 2021 ena sivia na 300 na vosa. Qo na imatai ni gauna me vakadewataki kina ena vitu tale na vosa na mekesini qo. Ya na vosa vakaFaroe, vosa vakaPidjin ni Hawaii, vosa vakaLuxembourg, vosa vakaManipuri (Roman), vosa vakaOdia, vosa vakaPomerani, kei na vosa vaCreloe ni Saint Lucia.

E kaya o Brother Nicholas Ahladis, e veiqaravi tiko ena Tabana ni Vakadewa ena itikotiko i liu: “Era taleitaka na tamata kece na veika e volai ena noda ivola. Ia eso na timi ni vakadewa era sega ni rawa ni vakadewataka kece na Vale ni Vakatawa ena vuku ni ituvaki. Ena volavola gona na Komiti ni Tabana ena vanua ya, ina Komiti ni Volavola ni iLawalawa Dauvakatulewa me kerea ke rawa ni vakadewataki ga eso na ulutaga. Qori sara ga na ka e caka ena Vale ni Vakatawa Nb. 2 2021, me rawa ni vakadewataki ena vitu tale na vosa.”

E laurai ena so na irogo ena yalava na vuavuaivinaka ni cakacaka vakavunau lavotaki qo, kei na kena veisoliyaki tiko ga na ivola vakaivolatabu ena duidui vosa.

Eda marautaka ni Vale ni Vakatawa qo e uqeti ira dina e levu ena cakacaka vakavunau lavotaki. Eda kila ni tokoni kina na inaki ni Kalou “me bula na tamata kece ga, mera mai kila vinaka na ka dina.”—1 Timoci 2:4.