NIU YOKA—Era kacivaka na iVakadinadina i Jiova ina nodra soqo ni veimatanitu ena vakayacori tiko ena siti e veiyasa i vuravura. E tekivu qori ena June 2014 me yacova na Janueri 2015. Na soqo qo ena tekivu mai Merika, Ositerelia, Ecuador, Igiladi, Jamani, Kirisi, Mexico, Sauca Korea, kei Zimbabwe. Na nodra soqo qo, e dau veidonui sara ga kei na nodra soqo ni veiwasewase e dau vakayacori e veiyabaki ena veivanua lalai.

Era dau tiko ena soqo ni veimatanitu qo eso tale mai na veivanua, kei ira na daukaulotu. E kaya o J. R. Brown, na gusunivosa ni iVakadinadina i Jiova ena nodra itikotiko i liu e Brooklyn, Niu Yoka: “E dau gauna vinaka qai marautaki neimami tikova na soqo ni veimatanitu. Keimami kila nira na marautaka na lewenivanua na neimami dau soqoni vata vakavuvale, vakaitokani tale ga, me keimami rogoca na porokaramu e vakarautaki.”

Na usutu ni soqo qo “Vakaliuca Tiko ga na Matanitu ni Kalou!” E kaya o Mr. Brown ni vakabibitaki ena “porokaramu qo na usutu bibi ni iVolatabu kei na rua na ka era vakabauta na iVakadinadina i Jiova: na tauyavu ni Matanitu ni Kalou ena 1914 kei na nona sa Tui ni Matanitu qori o Jisu Karisito. Na soqo ni veiwasewase qo me sa 100 kina na yabaki ni veiliutaki ni Matanitu ni Kalou.”

Era vakavakarau na iVakadinadina i Jiova e veiyasa i vuravura mera sureti ira era tiko vetikivi ina soqo qo. Me vaka ga e kena ivakarau vei ira, e sega ni saumi na icurucuru se kumuni na soli.

Tikinisiga kei na vauna ena vakayacori kina na soqo ni 2014 “Vakaliuca Tiko ga na Matanitu ni Kalou!” E tiko ena website vakadonui ni iVakadinadina i Jiova, na jw.org, na itukutuku me baleta na soqo qo. Me baleta na vanua ena vakayacori kina na soqo kei na kena itukutuku, era rawa ni veitaratara na dauvolaitukutuku ina valenivolavola ni tabana ni iVakadinadina i Jiova.

Gusunivosa:

Veiyasa i vuravura: J. R. Brown, Valenivolavola ni iTukutuku, talv. +1 718 560 5000