3 MAJI, 2020
IROGO MAI VEIYASA I VURAVURA
iRogo Vou ni Coronavirus kei na Ka me Caka
Sa dikeva tiko vakavinaka na itikotiko liu ni iVakadinadina i Jiova, na kena tete na mate na coronavirus (e kilai me COVID-19). Eda kila ena ka e parofisaitaki ena iVolatabu ni na tete na matedewa ena iotioti ni veisiga. (Luke 21:11) Ni veitauvi na mate, e ka vakayalomatua meda qaqarauni me rawa nida taqomaki kina kei ira eso tale.—Vosa Vakaibalebale 22:3.
Eso era na rairai vaqaqa na kedra ituvaki na tacida ena vanua e tete tiko kina na COVID-19. E vakavu kauai vakalevu na mate qori ena valenivolavola ni tabana kei na ivavakoso e Itali, Japani, Sauca Korea, kei na so tale na matanitu. E sega ni vakatarai ena so na valenivolavola ni tabana na veisiko kei na sarasara. E vakatabuya tale ga na matanitu na soqoni vakalewe levu, ya na vuna e vakadaroya kina na valenivolavola ni tabana na soqo ni tabacakacaka. Eso na vanua era veisautaka na ivavakoso nodra ituvatuva ni cakacaka vakavunau, kei na soqoni. Ni basika na ituvaki qori, era kauaitaka tiko ga na mataveitacini nodra bula vakayalo, ra qai veivakayaloqaqataki.—Juta 20, 21.
Era raica gona na tacida ni yaga sara vakalevu eso na ivakavuvuli qo. Ena rawa ni yaga tale ga vei iko kei na nomu vuvale, ke mani veitauvi na mate qo ena vanua o tiko kina.
Kua ni taqaya. E vinaka meda qaqarauni ena matedewa, meda cakava tale ga na ka e dodonu meda taqomaki kina, ia meda kua ga ni taqaya.—Vosa Vakaibalebale 14:15; Aisea 30:15.
Muria na iVakaro kei na Veidusimaki ni Matanitu. Era na vakatututaka na vakailesilesi eso na ka meda qaqarauni kina, kei na vakatatabu meda taqomaki kina. Vakarogoca vinaka nodra veidusimaki qai muria na ka era tukuna.—Roma 13:1.
Kauaitaka Tiko ga na Savasava. E bibi mo vuluvulu wasoma ena sovu kei na wai, se vakayagataka na tavaya lailai ni sava ni liga (hand sanitizer). Meda qua wasoma na vanua e dau tara vakalevu na liga e vale kei na Vale ni Soqoni. E vakatututaka tale ga na tabana ni bula me kua na lululu, ni na rawa ni tete kina na mate qori. E vakarautaka gona na World Health Organization eso tale na ivakasala me yaga vei ira na lewenivanua.
Lomani Ira Eso Tale. Eda kila ni bibi meda tiko ena soqoni kei na cakacaka vakavunau, ia ke o tauvimate e vinaka mo tiko ga e vale me kua kina ni dewa na mate. Qori e vakaraitaka na loloma vaKarisito, era taqomaki kina na mataveitacini kei ira eda tiko veitikivi.—Maciu 22:39.
Muria na iTuvatuva ni iVavakoso. E ka vakavuku me vakadaroya na valenivolavola ni tabana na soqoni vakaivavakoso, soqo ni tabacakacaka kei na so tale na soqo, ena vanua e veitauvi tiko kina na coronavirus. E yaco qori e Itali, Japani, kei Sauca Korea na vanua e veitauvi sara ga kina vakalevu na mate qori. Era na vakalewa vinaka na qase ni ivavakoso na ituvaki mera sarava kina na tacida na soqoni ena nodra dui vale. Era rawa ni vunau na tacida nira qiri, vakauitukutuku, imeli se volavola.
ESO TALE NA ITUKUTUKU ENA NODA IVOLA
Qo eso na ivola e tiko kina na ivakavuvuli yaga ena taqomaki iko mai na matedewa.
Rawa ni o Wilika Tale ga
ITUKUTUKU VOU
iKaciwa ni iRogo Mai na iLawalawa Dauvakatulewa 2021
E veiuqeti nona ivakamacala e dua na lewe ni iLawalawa Dauvakatulewa, e tukuna tale ga eso na irogo me baleta na kena vakatovotovotaki na soqoni ena Vale ni Soqoni.
TARO E TAROGI WASOMA
Era Sega ni Dau Via Cula na iVakadinadina i Jiova?
Qo e rua na ivakavuvuli vakaivolatabu ena vukei iko mo vakatulewataka ga vakai iko mo cula se sega.
E VAKAYAGATAKI VAKACAVA NA NODA CAU?
Veivuke ena Matedewa e Tarai Vuravura
Era marautaka na tacida kei ira na sega ni tiko ena dina, na ka ni veivuke e vakarautaki ena gauna ni COVID-19.
ITUKUTUKU VOU
iMatai ni iRogo Mai na iLawalawa Dauvakatulewa 2020
Rogoca na ka era cakava na iVakadinadina i Jiova e Sauca Korea, Itali kei Merika ni tete tiko na matedewa na coronavirus.