Ena ika16 ni Noveba, 2018, era yanaraka e walu nodra vale na iVakadinadina i Jiova e Crimea mai Rusia, e rauta ni le 200 na vakailesilesi na Federal Security Service (FSB).

Era vakamatavulo ra qa tauri dakai tu ena gauna era curu kina e veivale. E rua na tacida na levu ni nodrau rere kei na rarawa, e tubu vakalevu nodrau dra, rau kau sara e valenibula. E ka ni rarawa tale ga ni lutudole e dua na tacida yalewa.

Na gauna era vakacaca tiko kina na vakailesilesi, era vakamavoataki Aleksandr Ursu e yabaki 78. E biligi e lalaga, ina fuloa, qai vesu na ligana. Kena ikuri, era vakatarogi ira tale ga e levu na iVakadinadina i Jiova.

Sa beitaki tiko ena gauna qo o Brother Sergey Filatov (toka ena imatau) ni daubasulawa. Era beitaki koya na vakailesilesi ni beca na Tikina e 282.2, wase 1, ni Russia’s Criminal Code. E vakatututaka na Russian Federation, ni lawa qori e dodonu mera muria tale ga o ira na vakaitikotiko e Crimea. O Brother Filatov e yabaki 47, e va tiko na luvena, e imatai ni iVakadinadina i Jiova e Crimea me beitaki ni vakavuna na tiko yavavala e Rusia.

Eda nanumi ira dina na tacida ena kena yanaraki nodra vale, kei na nodra vakararawataki. Ia eda nuitaka na Kalou o Jiova, ni na vakaukauataki keda ena gauna dredre qo.—Aisea 41:10.