Ena ika5 ni Epereli 2020, e vakacaca ena cevaicake kei Vanuatu na cagilaba o Harold, ena kena ivakatagedegede e kaukaua duadua. Ni oti e rua na siga, e toso sara na cagilaba qori ena cevaicake kei Viti, lai vakacaca sara ena cevaira. E vakaraitaki mai ni sega ni dua na tacida e mavoa se mate.

Era tiko e Espiritu Santo e rauta ni 280 na dautukutuku, qori e dua na yanuyanu levu duadua e Vanuatu e tiko ena vualiku. E vakacacani na vale kei na iteitei ena yanuyanu qori, kei na so tale na yanuyanu voleka. E Viti, e vakacacani na nodra vale e rauta ni 260 na dautukutuku. E maca na wai, boko na livaliva, e vakaleqai tale ga na kakana.

Sa vakarautaka tiko na valenivolavola ni tabana e Viti na iyaya ni vakacoko ena yaga vakalevu vei ira na tacida. Era veivakayaloqaqataki na qase ni vavakoso vei ira na tacida ena vanua e vakacaca kina na cagi qori. Eda marau nira kauaitaki vakayago, vakayalo tale ga na tacida qori.—Vosa Vakaibalebale 17:17.