Ena ika16 ni Okotova, 2019 e kurea veitaravi na ceva ni Yatu Filipaini na uneune lelevu. Era mate kina e 21 na lewenivanua, mavoa e sivia na le 400, era tokitaki tale ga e sivia na le 35,000. E rauta ni tolu na uneune qori e sivia na 6.0 na kedra kaukaua. E yaco tale tiko eso na uneune ena vanua qori. E sega ni dua na tacida e mate, e mavoa ga e dua na tacida yalewa.

E vakacacani e va na Vale ni Soqoni kei na 195 nodra vale na tacida, e vakacacani tale ga vakalailai e 9 na Vale ni Soqoni kei na 351 na vale. Levu vei ira na tacida qori era vakaicili tiko ena vale laca, ni sega ni vinaka mera tiko ena nodra vale.

E tuvanaka na valenivolavola ni tabana ena Yatu Filipaini, e rua na Komiti ni Vakacoko me veivuke. Era sa veivakayaloqaqataki tiko vakayalo vei ira na vakaleqai, e le ono na mata mai na valenivolavola ni tabana, wili kina e le tolu na lewe ni Komiti ni Tabana.

Meda nanumi ira na tacida qori ena masu ni na vukei ira tiko ga o Jiova.—Same 70:5.