Ena ika27 ni Julai, 2019, e kurea na yanuyanu lailai o Itbayat ena Yatu Filipaini e rua na uneune, e rauta ni 690 na kilomita ena vualiku kei Manila. E 5.4 na kaukaua ni uneune, e dua tale e 6.4 na kena kaukaua. Ratou mate kina e le 9, era mavoa e le 64, vakacacani tale ga e 266 na vale. E ripotetaka na tabana ni itukutuku nira vakaleqai tale ga e le 2,968 na lewenivanua.

E sega ni dua na tacida e vakaleqai ena uneune qori. Ia e mavoa e dua na tacida yalewa, e vakacacani tale ga e rua nodrau vale na tacida tagane.

E tuvanaka sara na valenivolavola ni tabana e dua na Komiti ni Vakacoko, me vukei ira na tacida ena kena voli kei na wasei ni ka era gadreva me vaka na kakana kei na wai. Ena sikovi ira tiko na tacida era vakaleqai na mata mai na valenivolavola ni tabana me vukei ira, vakacegui ira tale ga vakayalo.

Meda nanumi ira mada ga ena masu na tacida era vakaleqai qori. Eda kila ni o Jiova “na Kalou ena vakacegui keda ena ka kece,” ena vakarautaka na ka era gadreva na tacida.—2 Korinica 1:3.