Ena ika14 ni Me 2020, e vakacaca ena yanuyanu o Samar na cagilaba o Vongfong (e kilai tale ga me o Ambo). Qori na imatai ni cagilaba ena 2020 me ravuravu ena Ra ni Wasa Pasifika. E toka na kena kaukaua ena category tolu ena gauna e ravuti Samar kina. E 185 na kilomita dua aua na kaukaua ni cagi. E dredre na nodra tokitaki e vicavata na drau na udolu ni se tiko ga na vakatatabu ni matanitu me baleta na COVID-19.

E sega ni vakaleqai e dua na tacida, ia era tokitaki e 59. Era lai tiko e koronivuli, se nodra vale na tacida. E vakacacani na nodra vale e 82 na mataveitacini, e lima na Vale ni Soqoni, ia dua tale e vakacacani vakadua. Ratou sa tuvanaka na Komiti ni Tabana ena Yatu Filipaini e rua na Komiti ni Vakacoko ena nodra vukei vakayago, vakayalo tale ga na tacida.

Meda masulaki ira tiko ga na tacida ena Yatu Filipaini, nira vosota tiko na vakacaca ni cagilaba kei na matedewa. Eda nuitaka ni na vakacegui ira tiko ga na nona tamata o Jiova na noda “Uluvatu tawamudu.”—Aisea 26:4.