Ena ika29 ni Tiseba, 2018, e vakacaca na cagilaba o Usman e Samar na ikatolu ni yanuyanu levu ena Yatu Filipaini. Dua na ka na bisa ni uca e vakavuna kina na sisi ni qele kei na waluvu. Era mate e rauta ni le 25 na lewenivanua, qai le 42 era mavoa. E vakacacani e 22,835 taucoko na vale.

E ripotetaka na valenivolavola ni tabana ena Yatu Filipaini, ni sega ni dua na tacida e mate. Ia e vakacacani vakadua e tolu nodratou vale na tacida, e va tale na vale e sega ni vakacacani sara vakalevu. E vakacacani tale ga e dua na Vale ni Soqoni. Ena veidusimaki ni valenivolavola ni tabana, sa vakarautaka tiko na Komiti ni Vakacoko na ka ni veivuke, kei na vale vei ira na vakaleqai.

Eda nuidei nira na nuitaki Jiova tiko ga na tacida era vakaleqai, ena vakataudeitaki ira qai vakaukauataki ira tiko ga.—1 Pita 5:10.