Ena ika2 ni Tiseba, 2019 e vakacaca na cagilaba o Kammuri (kilai me Tisoy ena Yatu Filipaini), ena yasayasa o Bicol ena ceva kei Luzon. E sega ni dua na tacida e mate se mavoa, ia e vakacacani vakadua e 108 nodra vale, qai 478 na vale e sega ni vakacacani sara vakalevu. E vakacacani tale ga e 15 na Vale ni Soqoni.

Na levu ni vakacaca qori e tauyavutaka kina na valenivolavola ni tabana ena Yatu Filipaini, e walu na Komiti ni Vakacoko, mera veivakayaloqaqataki, ra vakarautaka tale ga na veika era gadreva na mataveitacini.

Meda nanumi ira na tacida ena masu, da qai duavata ena ka e tukuna na daunisame: “Me rogoci iko o Jiova ena siga ni leqa. . . . Me vakarautaka vei iko na veivuke mai na vanua tabu.”—Same 20:1, 2.