Ena ika25 ni Seviteba 2022, e vakacaca na cagilaba o Noru (kilai tale ga me o Karding), ena yanuyanu o Polillo ena yasayasa o Quezon ena Yatu Filipaini. E vakacaca tale ga ena yasayasa o Aurora. Na totolo ni cagi e 195 na kilomita dua na aua, qai tiko na kaukaua ni cagi ena sivia na 240 na kilomita dua na aua. E vakacacani vakalevu na vale, gaunisala, na wavu, e waluvu tale ga e levu na vanua.

• Sega ni dua e mate

• Tokitaki e 180 na vuvale

• Vakacacani vakalailai e 209 na vale

• Vakacacani vakalevu e 20 na vale

• Vakarusai e 22 na vale

• Vakacacani vakalailai e 7 na Vale ni Soqoni

• Vakacacani vakalevu e 1 na Vale ni Soqoni

• Sa tuvanaki e 2 na Komiti ni Vakacoko

• Era sa veivakatawani tiko na qase ni ivavakoso vei ira na vakaleqai. Era vakarautaka tale ga na veika era gadreva

• O ira kece na veivuke ena vakacoko era muria tiko na vakatatabu ni COVID-19

Meda masulaki ira mada ga na tacida era vakaleqai ena cagilaba qo nira vakaruru vei Jiova.—Same 57:1.