Ena ika16 ina ika18 ni Tiseba 2021, e vakacaca na cagilaba o Rai (kilai tale ga me o Odette) ena Yatu Filipaini. Na kaukaua ni cagi e rauta ni 195 na kilomita ena dua na aua ena yanuyanu o Siargao. E vakacacani vakalevu na yasayasa ena vualiku kei Mindanao, ceva kei Luzon, kei Visayas.

• Ka ni rarawa, ni mate e 4 na dautukutuku

• 1 na dautukutuku e se yali tiko

• 12 na tacida ratou mavoa

• Sivia ni le 2,000 na dautukutuku era tokitaki

• 246 na vale e vakarusai

• 327 na vale e vakacacani vakalevu

• 1,174 na vale e vakacacani vakalailai

• 43 na Vale ni Soqoni e vakacacani vakalailai

• Tauyavutaki e 6 na Komiti ni Vakacoko me tuvanaka na cakacaka ni vakacoko

• Era sa veivakayaloqaqataki tiko na qase ni vavakoso vei ira na tacida era vakaleqai, wili kina o ira na tacida era lolositaka tiko nodratou mai takali na wekadratou

• E muri tiko ga na vakatatabu ni COVID-19

Ena nodra veidusimaki na qase ni ivavakoso, era solia na tacida ena vanua e sega ni vakaleqai na kakana, kei na isulu vei ira na tacida era vakaleqai. Era solia na tacida ena siti o Davao na kakana vei ira na tacida ena siti o Surigao.

Eda rarawataka dina ni so na tacida era mai takali ena leqa tubukoso qo. Ia meda nuitaki Jiova tiko ga ni na veivakacegui qai vakayaloqaqataki keda, meda vosota na ituvaki dredre ena “iotioti ni veisiga qo.”—2 Timoci 3:1.