Luzon

• Ena ika11 ni Noveba 2020, e vakacaca e Patnanungan ena yasana o Quezon, ena Yatu Filipaini, na cagilaba o Vamco (kilai vei ira ena vanua qori me Ulysses). E vakacaca tale ga ena levu na vanua e Luzon

• Qo sa ika21 ni cagilaba me vakacaca ena Yatu Filipaini ena yabaki qo. E vakavuna tale ga e dua na waluvu levu

• E vakacaca na cagilaba qo ni oti ga e rua na macawa nona vakacaca na cagilaba kaukaua o Goni. Me tekivu ena 2013, o Goni e dua na cagilaba kaukaua me tara na Yatu Filipaini, qai vakacaca e Luzon

• Na bi ni uca e tubu kina na wai ena levu na ilatiniwai. Qori e vakavuna mera dolava na vakailesilesi na ilatiniwai, qai waluvu na vanua e sega ni tau kina na uca

• Era tokitaki e sivia e 600 na vuvale. Eso vei ira qori era dro ina dela ni nodra vale ni bera nira qai vueti mai

• E mavoa e dua na tacida cauravou ni lauta na matana na iloilo. Sa bula vinaka tale tiko

Qo e vica na itukutuku sa kilai rawa:

• E luvu e rauta ni 6 na Vale ni Soqoni, kei na 1 na ofisi ni vakadewa tu yawa

• E vakacacani e rauta ni 20 na vale

• Vakarusai e 1 na vale

• Era sa veivuke tiko na ivakatawa ni tabacakacaka kei na qase ni vavakoso ena kena vakarautaki na kakana, wai kei na vanua mera tiko kina o ira na tacida era tokitaki yani

• Eso na vuvale era sa lesu tale ina nodra vale, mera lai sasamaki tale ga

• Sa tuvanaka tiko e 3 na Komiti ni Vakacoko na nodra vukei na mataveitacini

• Era qaqarauni tale ga na mataveitacini ni muri na vakatatabu ni COVID-19 ena gauna ni vakacoko

Eda kila ni o Jiova ena vakaukauataki ira na tacida ena gauna dredre qo. Eda rai vakanamata tu ena gauna nira sa na vakila kina na tamata i Jiova na sautu kei na vakacegu ni sa na sega na leqa tubukoso.—Same 4:8.