12 EPERELI, 2021
ZAMBIA
Sevutaki na New World Translation of the Christian Greek Scriptures ena Vosa vakaMambwe-Lungu
Ena ika3 ni Epereli 2021, e sevutaki na New World Translation of the Christian Greek Scriptures ena vosa vakaMambwe-Lungu ena iyaya vakalivaliva. E sevutaka na iVolatabu qori o Brother Albert Musonda, e lewe ni Komiti ni Tabana e Zambia. Ra qai vakarorogo ena ivunau e katoni na dautukutuku mai Zambia kei Tanzania. Era vosataka na vosa qo e 2,531 na dautukutuku e Zambia, kei na 325 na dautukutuku e Tanzania, e kilai kina me vosa vakaFipa.
Ratou vakadewataka na iVolatabu qo e tolu na daunivakadewa ena loma ni 21 na vula. E kaya e dua na daunivakadewa, ni dredre vei ira e levu mera kila na vosa e vakayagataki ena ivakadewa makawa. Ia e kaya e dua tale na daunivakadewa: “Na iVolatabu qo e vakayagataka na vosa kilai rawarawa, e vosa tale ga ni veisiga.”
Qo e dua dina na iloloma talei mai vei Jiova. Eda kila ni na yaga vei ira e levu era vosa vakaMambwe-Lungu mera marautaka nodra wilika na Vosa ni Kalou.—Same 1:2.
Rawa ni o Wilika Tale ga
TARO E TAROGI WASOMA
E Tiko Nomuni iVolatabu na iVakadinadina i Jiova?
E rawa ni o vakavinakataka na ivakarau ni nomu vuli ni o vakayagataka e levu na vakadewa ni iVolatabu. Qo e tolu na tikina mo kila tiko me baleta na iVolatabu na Vakadewa ni Vuravura Vou.
E VAKAYAGATAKI VAKACAVA NA NODA CAU?
Tabaki na iVola Mareqeti Duadua
Levu na ka e okati ena kena vakadewataki, tabaki, qai dabani na New World Translation.