JULAI 10, 2023
ZAMBIA
Sevutaki na iVola i Maciu ena Vosa Vagalu ni Zambia
Ena imatai ni Julai 2023, e sevutaka o Brother Ian Jefferson, e lewe ni Komiti ni Tabana e Zambia na ivola i Maciu ena vosa vagalu ni Zambia. E sevutaki ena Vale ni Soqoni Lelevu ena siti o Lusaka e Zambia, ra qai tiko kina na le 922. Qo e imatai ni ivola ena iVolatabu me sevutaki ena vosa vagalu ni Zambia. Ena rawa ni download ena porokaramu na JW Library Sign Language.
Ratou tiko ena rumu ni katokatoni na daunivakadewa
E tauyavu na imatai ni kena ivavakoso ena Maji 2008. Ena 2012, e tuvanaki na kena timi ni vakadewa ena valenivolavola ni tabana e Lusaka. Nikua, era sa veiqaravi tiko e voleka na 500 na dautukutuku ena 16 na ivavakoso kei 11 na iwasewase lailai vosa vagalu ni Zambia.
E wilika o Brother Jefferson ena nona ivunau na Maciu 18:22 me vakamacalataka na yaga ni kena vakayagataki na vosa rawarawa qai matata. E kaya, ena vosa vakavalagi e tiko ena tikinivolatabu qo e 18 na vosa. Ena sega gona ni matata ke vakadewataki vakadodonu ina vosa vagalu ni Zambia. Ia e vakayagataki ga e rua na vosa vagalu ena ivola vou qo. E kaya: “Ni rawarawa na ivakadewa ena lai matata vei ira na dauwiliwili qai yaga vei ira na Vosa ni Kalou.”
E dusia na sevutaki ni vola i Maciu ena vosa vagalu ni Zambia, ni vinakata o Jiova mera ‘vakabulai na tamata kece.’—Taito 2:11.
Rawa ni o Wilika Tale ga
TARO E TAROGI WASOMA
E Tiko Nomuni iVolatabu na iVakadinadina i Jiova?
E rawa ni o vakavinakataka na ivakarau ni nomu vuli ni o vakayagataka e levu na vakadewa ni iVolatabu. Qo e tolu na tikina mo kila tiko me baleta na iVolatabu na Vakadewa ni Vuravura Vou.
E VAKAYAGATAKI VAKACAVA NA NODA CAU?
Tabaki na iVola Mareqeti Duadua
Levu na ka e okati ena kena vakadewataki, tabaki, qai dabani na New World Translation.
TARO E TAROGI WASOMA
Era Vakabauta na iVakadinadina i Jiova na Veiyalayalati Makawa?
Sa sega ni yaga eso na ivola ena iVolatabu? Raica na sala e yaga kina vei ira na lotu vaKarisito na ivakavuvuli eso ena iVolatabu vakaIperiu.