OKOTOVA 3, 2023
ZIMBABWE
75 na Yabaki ni Valenivolavola ni Tabana e Zimbabwe
E mai vakananumi ena Seviteba 2023 na ika75 ni yabaki ni kena tauyavu na valenivolavola ni tabana e Zimbabwe. E tiko ena siti o Harare, na koroturaga kei Zimbabwe.
Ni tekivu noda vunau e Zimbabwe, e dau tuvanaka na cakacaka ena valenivolavola ni tabana e Sauca Aferika. Ena 1932, e lesia na vale ni tabana e Sauca Aferika e va na painia me ratou lai vunau e Zimbabwe. E kilai tu ena gauna qori me o Southern Rhodesia. E levu era gole mai ina dina ena gauna qori.
Mai na mawi ina matau: Eric Cooke, Myrtle Taylor, Phyllis Kite, Ruby Bradley, kei George Bradley
Ena Noveba 1940, e vakatabui na kena ciqomi kei na veisoliyaki ni noda ivola ena vuku ni ivalu kei na boletaki vanua. E uqeti na veika vakapolitiki ra qai vesu e levu na tacida nira tawaveitovaki. Ia era vunau lo tiko ga na tacida qai levu era tataleitaki. E mai vakatarai tale na noda cakacaka ni oti e ono na yabaki. E vakatolutaki na iwiliwili ni dautukutuku me 3,500.
Ena imatai ni Seviteba 1948, e tauyavutaki na valenivolavola ni tabana ena karua ni siti levu duadua e Zimbabwe o Bulawayo. E lesi o Brother Eric Cooke me liutaka na cakacaka ena yalava ni valenivolavola ni tabana. Oti qori ratou lesi kina e vica na daukaulotu ratou vuli oti e Kiliati. Qori o George kei Ruby Bradley, o Phyllis Kite, kei Myrtle Taylor.
O ira na tacida gugumatua ena Peceli e Zimbabwe. iMawi ina Matau: Dua na tacida e vakarautaka tiko na kedra na lewe i Peceli, na timi ni ivakadewa ena vosa vagalu ni Zimbabwe, teitei tiko e dua na tacida yalewa
Ni oti e vicavata na yabaki, e tubu tiko ga na iwiliwili ni dautukutuku e Zimbabwe. E mani voli tale kina eso na qele me rawa ni tuvanaki vinaka kina na noda cakacaka.
Na noda ivola e vakadewataki ena tini na vosa. E vakayagataki ena yalava ni valenivolavola ni tabana e Zimbabwe
Na valenivolavola ni tabana qo e tiko e Harare qai vakatabui ena Tiseba1998. E tuvanaka na cakacaka ni vakadewa ena vitu na vosa qai qaravi ira e 960 na ivavakoso. Era veiqaravi tiko kina ena gugumatua e sivia na 46,000 na tacida. Ena 2023, era tiko ena Soqo ni iVakananumi i Karisito na le 120,702.
Eda marau nida raica na tubu ni cakacaka e Zimbabwe. Qo e vakadinadinataka ni o Jiova ena ‘tiko na matana kei na lomana ena veigauna kece’ vei ira na yalodina vua.—2 Veigauna 7:16.
Rawa ni o Wilika Tale ga
ITUKUTUKU VOU
Era Gole na Duivosavosa ena Soqo e Zimbabwe
E VAKAYAGATAKI VAKACAVA NA NODA CAU?
Daukaulotu ena “Veivanua Yawa Sara kei Vuravura”
E sivia ni 3,000 na daukaulotu era veiqaravi tiko ena yalava e veiyasa i vuravura. E qaravi vakacava na veika era gadreva?