Ena ika17 ni Maji 2019, e vakayacori e dua na soqo lavotaki ena Vale ni Soqo Lelevu e Harare mai Zimbabwe. E sevutaka kina o Brother Kenneth Cook e dua na lewe ni iLawalawa Dauvakatulewa, na New World Translation of the Holy Scriptures e vakavoutaki ena vosa vakaSona. E tolu na yabaki na kena vakadewataki.

E rauta ni le 2,500 na tacida era tiko ena soqo ni sevutaki na iVolatabu. Era sarava tale ga e le 43,000 ena 295 na Vale ni Soqoni, kei na 4 na Vale ni Soqo Lelevu. E kaya e dua na tacida tagane: “Au rai vakanamata meu vakayagataka na iVolatabu e vakavoutaki ena cakacaka vakavunau. E rawarawa qai marautaki na vosa e vakayagataki, e rawa ni uqeta e dua me wilika vakalevu. Keimami vakavinavinakataki Jiova ena iloloma qo.”

Ena yaga vakalevu qori vei ira na le 38,000 na dautukutuku era veiqaravi tiko ena yalava era vosa vakaShona. Ena vukei ira tale ga mera vunau vei ira na sivia na le 9,000,000 era vosataka na vosa qori, rauta toka ni 80 na pasede na kedra iwiliwili ina lewenivanua o Zimbabwe.

Na iVolatabu kece e sevutaki e vakaraitaka nona veivakalougatataki o Jiova ena cakacaka ni vakadewa e veiyasa i vuravura. Eda marau ni vakadewataki nona Vosa me rawa nira wilika e levu tale ena nodra vosanisucu.—Cakacaka 2:8.