Lori e dau usa kina na iyaya lelevu. E usani tiko na vale baba iloilo me biu ena vanua qo. Qori na vanua e saravi sobu kina na tarataravaki, qai toka ena dua na vanua e taqomaki qai tu vagalala. E dola vei ira na vulagi na vanua ni sarasara qo ena Me 2017. Donuya na Okosita sa sivia e 17,000 era lai sarasara kina.

Vakayagataki tiko na misini lelevu me vakadavora na yavu ni vale sa tara oti tu. Qo na itikotiko F, na imatai ni itikotiko me tara e kea. Ni rabailevu na vanua kevaka mada ga e vinakati me tosoi ena sega ni luva tale.

E tara e lima na itikotiko ena dua ga na gauna. E laurai toka qori na nodra vakadavora na kaukamea o ira na konitarakitaki ni bera ni sova na simede me yavu ni iTikotiko B. Ena yasana imatau ni daku ni itikotiko qori e sova tale tiko ga na simede me fuloa ni iTikotiko D. Ena yasana imawi e vakayagataki e dua na misini levu me vakaduria na kaukamea me duru ni kabakaba ni iTikotiko E.

E vakayagataki tiko na itoci ena isema ni rua na paipo palasitika ni bokobuka. Ena vakatakatai mada me waicala na palasitika me semati kina. Oti ena kau laivi na tikitiki ni palasitika e tu ena dagona, sa qai tovolei na kena kaukaua. E vakadavori e rauta ni va na kilomita na paipo qori.

Samaki tiko na kalivati vou. Na kalivati qo e vakarawarawataka na veitosoyaki, qai vakadrodroya vinaka na wai ni tau na uca, ena sega tale ga ni luvu kina na vanua qori.

Rau dau droinitaki peleni na veiwatini qo, rau makataka tiko na vanua me duri kina na lalaga ni tabavale e ra.

Na lima na itikotiko ni laurai toka mai macawa. Ena Seviteba sa caka oti na duru ni vale, se caka tiko na lalaga ni lomanivale ni iTikotiko F (yasana imatau e muri). Sa simedetaki na vale, e boro tale ga. E biu tale ga ena iTikotiko E (e yasana imawi e muri) na lalaga ni lomanivale, taudaku ni vale, kei na katubaleka. Era sa tekivu tara tale ga na iTikotiko B, C, kei D (e loma) na timi ni dau droinitaki peleni, veika vakalivaliva, mekeniki kei ira na timi ni tara vata vakaduru.

Uqeti ira tiko na timi ni tarataravaki ena dua na ivunau vakaivolatabu o Robert Luccioni, e dauveivuke ena Komiti ni Tabaivola ni iLawalawa Dauvakatulewa, e ovasia tale ga ni Tabana ni Tarataravaki e Veiyasa i Vuravura (Worldwide Design/Construction Department). Na tabana qori e qarava sara ga na droinitaki kei na tara ni valenivolavola ni tabana vou e veiyasa i vuravura, me tara ena kena ivakatagedegede e vinaka duadua qai vakayagataki kina vakavuku na ilavo.

Vakarautaki tiko na simede ni vale me biu kina na itawatawa ni benisini, itukutuku ni ka vakompiuta kei na iyaya vakalivaliva. Ena yasana imatau, e vakayagataki tiko na misini me sova na simede me yavu ni bai e vakalailaitaka na rorogo ni misini e vakayagataki.

Ratou dikeva tiko na timi ni daudroini peleni na vanua me makataki me duri kina na lalaga sitila.

Biu tiko na sitila ena lalaga e tuba.

Biu wavoki na vata vakaduru ena iTikotiko E, me vakarawarawataka vei ira na cakacaka tiko nodra vakaduria na lalaga e tuba.

Vakayagataki e dua na mataqali iboro ena iloilo vou. Ni mamaca na iboro ena taqomaka me kua ni kavoro ena gauna ni tarataravaki, ena rawarawa tale ga na kena voci laivi.

Vakatovolei na katakata ena rumu yadua. Oti qori ena qai sova tale e dela ni paipo na simede me kena iubi.

Musu tiko na co ena matamata levu ni valenivolavola ni tabana. Qo na co e tarova na nodra tubu mai na co ca, ena sega kina ni vakalevu cakacaka ena kena samaki na yasa ni gaunisala qo.

Vakayagataki tiko na misini ni sovea me vakatakilakilataka na matamata ni ofisi, qai biu e dua na kau me kena ivakatakilakila, e boroi tale ga. E tiko ena ofisi qo na valenikuro, vaka kina na vanua ni kana kei na olo. E laurai toka mai muri na itikotiko.

Rau biuta tiko na veiwatini na simede me drodro kina na wai, e wili tale ga kina na wai ena gauna ni draki ca. Laurai toka e muri na iTikotiko E kei na F, e ubi tu ena palasitika me rawa ni tosoi tiko ga na cakacaka ena draki kece wili kina na vulaililiwa.

Vakavulici tiko na vakavakayagataki ni misini ni buloko. E dau vakayagataki me taura qai biuta na buloko ena vanua me dabe kina, e rauta ni 70 na kilo na buloko yadua. Ni biu donu na buloko, ena qai sova na simede ena yasana ruarua me tauri rau vata.

Vakadavori na paipo qai sagai me toka donu. E rauta ni lima na kilomita na paipo ni wai e vakayagataki ena valenivolavola ni tabana vou.

Vakayagataki tiko na ivaro livaliva me musu kina na biriki. E vakayagataki na veimama ni biriki me caka kina na ituvatuva e vakatokai na Flemish bond ena iyalayala ni itikotiko. E sivia na 300,000 na biriki e vakayagataki ena itikotiko.