E vakarautaki tiko eso na vanua me tei kina eso na co. Laurai tiko mai muri na iTikotiko A kei na iTikotiko B.

Taba tiko qo e dua na drano ena daku ni Ofisi. Na drano era tiko eke e dau maroroya na wai kece e drodro mai me vakayagataki tale. Qori e vukea na kena vakasavasavataki na wai, sega ni yaco e levu na waluvu, ena vakavinakataka tale ga na itikotiko kei na veika bula.

Rau biuta vata tiko e dua na veiwatini na lalaga ni ofisi.

Vakayagataki tiko na laser me biu kina na ivakatakilakila ena vanua ni caka ulu.

Vakayagataki tiko e dua na misini me vukea na kena biu na ivakatakilakila. Qori ena vukea na nodra veitosoyaki na lewe i Peceli kei ira na vulagi ena vanua levu qo.

E dikeva tiko e dua na vakailesilesi ni tabana ni boko buka, ke sa kaukaua tiko na drodro ni wai ena gauna ni kama.

E liutaka tiko e dua na lewe ni Komiti ni Tarataravaki na dikevi ni tikinivolatabu e veimataka, ena gauna vata qori e vakatovolei tiko na iyaya vakalivaliva ni kakaburaki. Era rogoca tale ga na porokaramu qo o ira na lewenivuvale e Lodoni ni vakayagataki na Internet.

Biuta tiko e dua na daunilivaliva na ivakatakilakila ni gaunisala ena matamata ni vanua e vakaiyalayala ga o ira na lako kina.

Rau kauta tani tiko mai e rua na tacida yalewa na kopa me vakayagataki tale.

E vakamacalataka tiko na dau ni veivakasarasarataki na mape ni valenivolavola ni tabana, e se qai taravaki tiko. E sivia ni 95,000 na vulagi era gade mai ena gauna ni tarataravaki.

E vosa tiko e dua na lewe ni Komiti ni Tabana e Peritania, vei ira na timi ni tarataravaki ena iotioti ni nodra soqoni, ni bera nira qarava na lewe i Peceli na itikotiko. E sivia e 11,000 na tacida era bolecakacaka ra qai vakayagataka nodra gauna kei na igu ena tarataravaki qo.

Era vakavulici na tabana ni Vidio kei na Broadcasting ena kena vakayagataki na vanua vou ni katokatoni. Levu vei ira na tacida era vakaitavi kina era dara tale tu ga na itataqomaki ni vava me kua ni vakacacani na rumu qori.

Biu tiko na nuku me taqomaki vinaka kina na gaunisala.

Vakavinakataki tiko e dua na lori ena qarati vou. Me vaka ni sa tiko na valenivolavola ena dua na vanua, sa sega ni vinakati tale na lori va qo ena veitosoyaki. Sa rawa nira volitaki ena gauna qo. E laurai tiko mai muri na lori ratou dau vakayagataka na timi ni sasamaki e tautuba.

E vakasoburi tiko nodra iyaya na lewe i Peceli. Era veivuke e 27 na tacida ena nodra tokitaki na lewe i Peceli mai na Janueri ina Feperueri. Ni qai tekivu na Maji, era sa tokitaki kece na lewe i Peceli ena valenivolavola ni tabana vou qo.

Vakarautaki tiko na kedra kakana na lewe i Peceli.

Tokitaki tiko e dua na vale ni sa volitaki. Era dau tiko kina na timi ni tarataravaki qai toka voleka ena valenivolavola ni tabana vou. E caka qori me kua ni vakacacana na itikotiko kei na veika bula. Na ka e caka qori ratou vakavinavinakataka kina e dua na tabana e dau dikeva na tarataravaki kei na veika bula na yaca ni soqosoqo na BREEAM. Laurai tiko mai muri na itikotiko vou.

Vakarautaki tiko na rumu ni katokatoni ena Tabana ni Vakadewa. E vakarautaki tale ga na ka ni katokatoni vei ira na timi ni vakadewa. Ia ena yaga vakalevu qo vei ira na timi era vakadewataka eso tale na vosa era vakarurugi ena valenivolavola ni tabana e Peritania, me vaka na vosa vaka-Ailadi kei na vosa vakaSikoteladi.

Rau veivosaki tiko ena Internet e dua na tacida tagane e veiqaravi ena Tabana ni LDC, kei na dua na tacida e veiqaravi tiko mai ena cevaicake kei Igiladi. Era dau veitaratara mai vakawasoma ena valenivolavola ni tabana mera veivosakitaka na kena taravaki kei na kena vakavinakataki na Vale ni Soqoni. Toka tale ga qo eso na tacida ratou veivosakitaka tiko na veika me baleta na katakata, kei na cawiri vinaka na cagi ena Vale ni Soqoni vou, kei na kena e vakavinakataki tiko.

Era yaco yani e Peceli o ira na tacida era dau veiqaravi vagauna, oti era na qai lai tiko ena dua na bose ena qai vakamacalataki vei ira na tabana mera veiqaravi kina. Ni tekivu na veiqaravi ena valenivolavola ni tabana e Chelmsford, era dau lai veivuke tiko yani e voleka ni 500 na tacida vei ira na lewenivuvale e Peceli. Rau taba tale tiko ga e rua na tacida rau vakatovotovotaka tiko na tivi ena vakayagataki vei ira na lai sarasara yani.