Keimami vakabauta na iVakadinadina i Jiova nida tautauvata kece ena mata ni Kalou. (Cakacaka 10:34, 35) Ni keimami veivakavulici ena iVolatabu, keimami na vukei ira eso tale mera kua ni veivakaduiduitaki.

Kuria ya, keimami sega ni tokona e dua na sasaga e uqeta na veivakaduiduitaki, se veicati vakamatatamata. Kena ivakaraitaki, nira veiliutaki na Nazi era sega ni tokona na iVakadinadina e Jamani na isoqosoqo nei Itala ni bukana na veicati. Era vakamatei kina e vica vata na drau nira sega ni via tokona na sasaga qori.

A yaco tale ga qori ena 1994, nira sega ni vakaitavi na iVakadinadina i Jiova ena labakawa e Rwanda. Eso tale era bole mate, se vakayalia nodra bula nira saga mera taqomaki ira na vakasasataki qai vakamatei.

Na neimami saga me keimami vukei ira kece na lewenivanua, keimami vakarautaka kina qai veisoliyaka na ivola vakaivolatabu e rauta ni 600 na vosa. Keimami ciqomi ira tale ga na tamata “mai na veimatanitu kece, veiyavusa, veimatatamata, kei na duivosavosa.”​—Vakatakila 7:9.