Keimami lotu vaKarisito na iVakadinadina i Jiova, keimami sega ni lotu Tawase. Na vuna?

 E tukuni nira “dau saqati ira na lotu Katolika” na lotu Tawase. Keimami sega ni duavata na iVakadinadina i Jiova kei na nodra ivakavuvuli na Katolika, keimami sega tale ga ni lotu Tawase. Qo e rua na vuna:

1.   Na ka era vakabauta na lotu Tawase e veisaqasaqa kei na ivakavuvuli vakaivolatabu. Kena ivakaraitaki, e tukuni ena iVolatabu ni “dua ga na Kalou,” e sega ni tiki ni Letoluvakalou. (1 Timoci 2:5; Joni 14:28) E vakamatatataki tale ga kina ni na totogitaki ira na daucaka ca na Kalou mera rusa tawamudu, ena sega ni vakamai ira ena bukawaqa mai eli.—Same 37:9; 2 Cesalonaika 1:9.

2.   Keimami sega ni saqata se via veisautaki ira na lotu tale eso. E bibi ga vei keimami na vunautaki ni itukutuku vinaka ni Matanitu ni Kalou, mera vukei eso tale mera vakabauta na itukutuku qori. (Maciu 24:14; 28:19, 20) Keimami sega ni via veisautaki ira na lotu tale eso, keimami kauai ga ena nodra vakavulici o ira na via kila dina na Kalou kei na iVolatabu.—Kolosa 1:9, 10; 2 Timoci 2:24, 25.