E Vakailavotaki Vakacava Nodra Cakacaka na iVakadinadina i Jiova?
E vakailavotaki neimami cakacaka e vuravura raraba ena neimami cau yadua na iVakadinadina i Jiova. a E vakarautaki na kato ni cau ena neimami vale ni soqoni, e laurai tale ga ena neimami website eso tale na sala ni cau. E tu tale ga na vanua e vakarautaki ke dua e via cau ina cakacaka e vuravura raraba, cau ena so na ka ena nona vanua, se cau ruarua kina.
Keimami sega ni dau solia na ikatini se me lavaki na levu ni ka me keimami solia. (2 Korinica 9:7) Keimami sega ni soli, se vakaicurucuru na neimami soqoni. Keimami sega tale ga ni saumi ira neimami italatala nira veipapitaisotaki, vunau ena veibulu, vakamau se so tale na soqo ni lotu. Keimami sega ni kumuni ilavo ena volivolitaki, veimauilavo, caka soqo se kere ilavo. E sega ni dau tukuni e matanalevu se uvudavuitaki na yacadra o ira na cau. (Maciu 6:2-4) E sega ni ka ni veivoli na neimami website kei na ivola vakaivolatabu.
Ena ivavakoso kece ni iVakadinadina i Jiova ena kacivaki ena gauna ni soqoni na itukutuku vakailavo. Ena dikevi wasoma na itukutuku vakailavo ni vavakoso kece me vakadeitaka ni vakayagataki vinaka tiko na cau.—2 Korinica 8:20, 21.
iWalewale ni Cau
Kato ni cau: O rawa ni biuta nomu ilavo se jeke ena kato ni cau ena Vale ni Soqoni, Vale ni Soqoni Lelevu, se so tale na vanua e caka kina na soqoni.
Cau ena internet: Levu na vanua o rawa ni vakayagataka “Donate to Jehovah’s Witnesses” mo cau ni o vakayagataka na credit card, debit card, bank transfer, se so tale na kena iwalewale ena internet. b Eso na tacida era “biuta vakatikitiki” eso na ka e veivula nira vakayagataka e dua na iwalewale qori.—1 Korinica 16:2.
Soli ka e lalawataki: Eso na cau ena vinakati kina na lalawa se na ivakasala vakalawa. Na lalawa va qori o na vakayagataka vinaka tale ga na kena vakalailaitaki na ivakacavacava e lavaki ena vanua o tiko kina. Ena yaga vei ira e levu nodra kila rawa tiko na sala mera cau kina ena gauna era bula tiko kina se na gauna era na mate kina. Yalovinaka, veitaratara ina valenivolavola ni tabana ni iVakadinadina i Jiova ke o via cau ena:
akaude ni baqe
inisua kei na peniseni
real estate
stock kei na bond
wili kei na trust
Me ikuri ni vakamacala ena iwalewale ni cau ena vanua o tiko kina, raica “Donate to Jehovah’s Witnesses.”
a Era marautaka tale ga eso era sega ni iVakadinadina i Jiova mera cau me tokoni kina neimami cakacaka.
b Me ikuri ni ivakamacala raica na vidio, iDusidusi ni Noda Cau ena Internet.
Rawa ni o Wilika Tale ga
DUIDUI ULUTAGA
E Vakayagataki Vakacava na Noda Cau?
E tokoni na nodra cakacaka na iVakadinadina i Jiova ena cau. Dikeva na sala e vakayagataki kina na cau qori mera tokoni kina na tacida e veiyasa i vuravura.
TARO E TAROGI WASOMA
Era Dau Solia na iKatini na iVakadinadina i Jiova?
E lavaki e dua na ilavo mera dau solia na iVakadinadina i Jiova?
TARO E TAROGI WASOMA
Era Saumi na Nodra iLiuliu ni Lotu na iVakadinadina i Jiova?
Era wasei na veiliutaki kei ira na lewenilotu? O cei era vakadonui mera veiqaravi?
‘Soli iLoloma Vei Jiova’
‘Soli iLoloma Vei Jiova’
Eda vakaraitaka na noda lomani Jiova ena noda cau mai vu ni lomada, qori na iloloma vinaka duadua eda rawa ni solia vua.
BALETI KEIMAMI
Kerea mo Sikovi
Veivosakitaka na isau ni dua na nomu taro mai na iVolatabu, se mo vulica eso tale na ka me baleti ira na iVakadinadina i Jiova.