Eso era papitaiso oti mera iVakadinadina i Jiova, ia era sa sega ni vunau, se ra yawaka na veimaliwai kei ira na vakabauta vata. Era sega ni cati o ira qori. Keimami dau saga mera vukei me vakabulabulataki tale nodra taleitaka na ka vakayalo.

 E sega ni tu ga sa vakasivoi o koya e cala bibi. Ena caka ga na veivakasivoi ke laurai ni sa nona ivakarau me dau voroka na lawa ni iVolatabu me baleta na itovo savasava qai sega ni veivutuni. E tukuna vakamatata na iVolatabu: “Biuta tani na tamata ca qori mai na kemuni maliwa.”—1 Korinica 5:13.

 Vakacava ke vakasivoi o tama ia se iVakadinadina i Jiova tiko ga na luvena kei na watina? Na kedratou isema vakayalo sa na veisau, ia ena tiko ga na nodratou isema vakayago. E sega ni tagutuvi na bula vakawati, ratou na veilomani qai tomani tiko ga nodratou veimaliwai e veisiga.

 E rawa nira tiko ena neimami soqo vakalotu o ira na vakasivoi. Ke ra vinakata, e rawa nira dusimaki vakayalo vei ira na qase ni ivavakoso. E kena inaki ga mera vukei mera rawata na ivakatagedegede mera dua tale na iVakadinadina i Jiova. Ke laurai nira vorata na ivakarau ca ra qai vakaraitaka nira via muria dina na ivakatagedegede ni iVolatabu, sa rawa nira vakalesui mai mera lewe tale ni ivavakoso.