A sega ni vakarota o Jisu mera vakaluveni se sega na nona imuri. Sega tale ga ni dua vei ira na tisaipeli i Jisu a vakarota qori. E sega ni vakacala na iVolatabu na kena vakayagataki na itatarovi ni vakaluveni. E veiganiti kina na ivakavuvuli ena Roma 14:12: “Eda na dui saumitaro gona vua na Kalou.”

 O rau sara ga na veiwatini erau na vakatulewa me rau vakaluveni se sega. Ena vakatau tale ga vei rau na iwiliwili ni gone kei na gauna me rau vakaluveni kina. Ke rau nanuma me rau vakayagataka na itatarovi e sega ni wili me vakalutu, ya e nodrau vakatulewa. Me kua ni dua e vakalewai rau kina.—Roma 14:4, 10-13.