Era na Lako i Lomalagi na Manumanu?
Kena isau vakaivolatabu
E kaya na iVolatabu ni veika buli kece era tu e vuravura, e vakaiyalayala ga na kedra iwiliwili na tamata era na lako e lomalagi. (Vakatakila 14:1, 3) Era na veiliutaki vakatui, mera bete tale ga kei Jisu e lomalagi. (Luke 22:28-30; Vakatakila 5:9, 10) E dua na iwiliwili levu ni tamata era vakaturi mera bula ena vuravura parataisi.—Same 37:11, 29.
E tiko na vuna vinaka e kaya kina na iVolatabu ni sega ni ganiti ira na manumanu na bula e lomalagi. E sega ni rawa nira cakava na ivakatagedegede mera ‘kacivi kina i lomalagi.’ (Iperiu 3:1) Qori e okati kina nodra vulica, vakabauta, qai muria na ivakaro ni Kalou. (Maciu 19:17; Joni 3:16; 17:3) Na tamata ga e buli mera bula tawamudu.—Vakatekivu 2:16, 17; 3:22, 23.
Ena vinakati mera vakaturi na tamata mera qai lako i lomalagi. (1 Korinica 15:42) E tukuni ena iVolatabu e vica na veivakaturi. (1 Tui 17:17-24; 2 Tui 4:32-37; 13:20, 21; Luke 7:11-15; 8:41, 42, 49-56; Joni 11:38-44; Cakacaka 9:36-42; 20:7-12) E vakamacalataki tiko kina o ira na tamata, sega ni manumanu.
Cava e yaco ni mate na manumanu?
E kaya na iVolatabu ni tautauvata ga nona rai na Kalou me baleta na bula ni manumanu kei na tamata. E rua na ka e okati kina: na “kuvuniqele” kei “na icegu ni bula.” (Vakatekivu 2:7) E kaya tale ga na iVolatabu ni na mate na manumanu kei na tamata. Era na suka tale mera kuvu ni qele. Kena ibalebale, era na sega ni bula tale tiko.
Era valavala ca na manumanu?
Sega. Na valavala ca e kena ibalebale na vakasama, vakila se cakava e dua na ka e beci kina na ivakatagedegede ni Kalou. Me dua e lai valavala ca ena vinakati me vakatulewa dodonu qori na ka era lekata na manumanu. Nira muria ga na itovo era sucu kaya mai. (2 Pita 2:12) Era na mate tale ga, ke sega mada ga nira valavala ca.
E dodonu mera vakalolomataki na manumanu ena sala voravora?
Sega. Na Kalou e solia vei ira na tamata na dodonu mera lewai ira na manumanu, ia mera kua ni vakalolomataki ira. (Vakatekivu 1:28; Same 8:6-8) E kauaitaka na Kalou nodra bula yadua na manumanu, wili kina na manumanuvuka lalai. (Jona 4:11; Maciu 10:29) E vakaroti ira nona dauveiqaravi mera dau nanumi ira na manumanu.—Lako Yani 23:12; Vakarua 25:4; Vosa Vakaibalebale 12:10.
Rawa ni o Wilika Tale ga
SAUMI NA TARO VAKAIVOLATABU
O Cei ena Lai Bula i Lomalagi?
E dua na rai cala e kilai levu oya na nodra lai bula i lomalagi na tamata vinaka. Na cava sara mada e kaya na iVolatabu?
NA VALE NI VAKATAWA
“Au sa Qai Kila ni Sega ni Noqu iTavi Meu Veisautaka na iTuvaki ni Vuravura Qo”
E vukei Jukka vakacava na iVolatabu me kila ni Matanitu ga ni Kalou ena veisautaka na ituvaki ni vuravura qo?
BALETI KEIMAMI
Kerea mo Sikovi
Veivosakitaka na isau ni dua na nomu taro mai na iVolatabu, se mo vulica eso tale na ka me baleti ira na iVakadinadina i Jiova.