IVAKAMACALA NI TIKINIVOLATABU
Roma 10:13—“Masuta na Yaca ni Turaga”
“Nira na bula o ira kece na masuta na yaca i Jiova.”—Roma 10:13, iVakadewa ni Vuravura Vou.
“Era na bula o ira kece na masuta na yaca ni Turaga.”—Roma 10:13, King James Version.
iBalebale ni Roma 10:13
E sega ni dauveivakaduiduitaki na Kalou. E vinakata tale ga mera vakabulai na tamata kece mera rawata tale ga na bula tawamudu, se mani vanua cava era cavutu mai kina, duikaikai se nodra itutu. Ia me rawa ni yaga vei keda qori, e vinakati meda masuta na yaca i Jiova, qori na yacana na Kalou Kaukaua Duadua. a—Same 83:18.
Ena iVolatabu, na matavosa “masuta na yaca i Jiova,” e sega ni kena ibalebale noda kila ga na yaca ni Kalou qai vakayagataka nida sokaloutaki koya. (Same 116:12-14) Ia e okati kina noda nuitaka na Kalou, kei na nona veivuke.—Same 20:7; 99:6.
E raica vakabibi o Jisu Karisito na yaca ni Kalou. Qo na imatai ni ka e cavuta ena nona masu: “Tamai keimami mai lomalagi me vakarokorokotaki na yacamuni,” se dokai. (Maciu 6:9) Me rawa nida bula tawamudu e kaya o Jisu ni dodonu meda kila, doka qai lomani Jiova.—Joni 17:3, 6, 26.
Na cava eda kaya kina ni o Jiova “na Turaga” e cavuti ena Roma 10:13 ena King James Version? Na tikina qori e cavuti ena Joeli 2:32, ena vosa vakaIperiu na yaca ni Kalou, sega ni icavuti “Turaga.” b
iKotokoto ni Roma 10:13
E kaya na Roma wase 10, ni vakatau noda veiwekani vinaka kei na Kalou ke da vakabauti Jisu Karisito. (Roma 10:9) Na vakasama qori e tokona e levu na tikina ena Veiyalayalati Makawa. Eda na vakaraitaka noda vakabauta e “matanalevu,” nida vunautaka na itukutuku vinaka ni veivakabulai vei ira na sega ni vakabauta. Qori ena uqeti ira eso tale mera bucina na vakabauta ena rawati kina na bula.—Roma 10:10, 14, 15, 17.
Wilika na Roma wase 10, kena ivakamacala e ra kei na idusidusi ena iVolatabu.
a E volai vaka7,000 vakacaca na yaca ni Kalou ena ivolavivigi ni iVolatabu. Ena vosa vakaIperiu, na yaca ni Kalou e va ga na kena matanivola e kilai me Tetragrammaton. Na kena ibalebale ena vosa vakaViti “Jiova.” Ia eso na dauvakadidike era taleitaka me cavuti “Yahweh.”
b E kena irairai nira vakayagataka na dauvolaivolatabu lotu vaKarisito na yaca ni Kalou nira cavuta eso na tikina ena “Veiyalayalati Makawa,” e volai kina na yacana. E kaya The Anchor Bible Dictionary: “Gauna e volai kina na veiyalayalati vou e tiko eso na ivakadinadina ni laurai na va na matanivola (Tetragrammaton), Yaca ni Kalou, Yahweh, ena Veiyalayalati Makawa ina Veiyalayalati Vou.” (Volume 6, tabana e 392) Me ikuri ni vakamacala, raica na iKuri A5 ena ivakamacala ni vosa ni iVolatabu-Vakadewa ni Vuravura Vou “Yaca ni Kalou ena iVolatabu vaKirisi vaKarisito.” Raica tale ga ena Appendix C2 eso na ivakadewa ni iVolatabu e vakayagataka na yaca ni Kalou ena Roma 10:13.
Rawa ni o Wilika Tale ga
SAUMI NA TARO VAKAIVOLATABU
E Tiko na Yaca ni Kalou?
E kune ena levu na ivakadewa ni iVolatabu na yaca ni Kalou. Dodonu mo vakayagataka?
SAUMI NA TARO VAKAIVOLATABU
Vakacava e Levu tu na Yaca ni Kalou?
Era nanuma eso ni levu na yaca ni Kalou, kena ivakaraitaki o ‘Allah,’ ‘Alifa kei na Omeka,’ ‘El Shaddai,’ kei ‘Jiova-Jaire.’ Na cava meda kauaitaka kina na yaca ni Kalou eda vakayagataka?
VAKAMACALATAKI NA TIKINIVOLATABU
iVakamacala ni Aisea 42:8—“O Yau na TURAGA”
Na yaca cava e vakatokai koya kina na Kalou?
SAUMI NA TARO VAKAIVOLATABU
Na Cava na iBalebale ni Vakabulai?
Ena rawati vakacava na veivakabulai? Eda na vakabulai mai na cava?
IVAKAVUVULI VAKAIVOLATABU
iVukevuke ni Vuli iVolatabu
Digia na iwalewale ena rawa ni vukei iko me yaga, qai marautaki nomu vulica na iVolatabu.
IVAKAVUVULI VAKAIVOLATABU
Tovolea na Vuli Qo
Na vuli iVolatabu qo ena sega ni saumi qai tiko e dua mo drau na veivosakitaka na iVolatabu.
