JW LIBRARY
Vakayagataka Vinaka na Bookmark—Android
E vakarautaki ena JW Library na bookmark mo vakatakilakilataka na ka o via lesuva, me vaka ga na kena e dau vakayagataki ena ivola. E vakarautaki ena ivola yadua e tini na bookmark.
Muria na idusidusi qo mo vakayagataka na bookmark:
Biu na iVakatakilakila ni Bookmark
O rawa ni vakatakilakilataka e dua na ulutaga, wase ni ivola, dua na parakaravu se tikinivolatabu.
Mo vakatakilakilataka e dua na ulutaga se wase, tabaka na ibulukau ni Bookmark. O na raica sara na bookmark kece ni ivola o wilika tiko. Tabaka na kena e lala mo vakatakilakilataka na ulutaga se wase o wilika tiko.
Mo biuta na ivakatakilakila ni bookmark ena dua na parakaravu se tikinivolatabu, tabaka ga na parakaravu se tikinivolatabu, qai tabaka na Bookmark.
Vaqara e Dua na Bookmark
Mo vaqara tale na bookmark, dolava na ivola o biuta kina, tabaka na Bookmark qai tabaka na kena o via wilika.
Me Boko se Veisau na Bookmark
O rawa ni bokoca se veisautaka e dua na bookmark.
Mo bokoca, tabaka na Bookmark; tabaka sara na ivakatakilakila e toka ena yasana imatau qai tabaka Delete.
Me veisau e dua na bookmark, tabaka na Bookmark, tabaka na ivakatakilakila ena imatau. Tabaka sara na Replace. Ena sosomitaka na ka makawa na bookmark vou. Ena yaga qo mo kila na vanua e yaco kina nomu wiliwili, me vaka na vanua e yala toka kina nomu wili iVolatabu ena veisiga.
Ena Me 2014, a sevutaki na ka e vakarautaki qo kei na JW Library 1.2, e rawa ni vakayagataki ena Android 2.3. Ke o se sega ni raica, yalovinaka muria na idusidusi ena Me Vakavoutaki ena ulutaga “Tekivu Vakayagataka na JW Library—Android,” ena Get the Latest Features.
