JW LIBRARY
Me Download Qai Vakayagataka Vinaka na iVola—Android
Ke o sega ni sema ena Internet, o se rawa tiko ga ni wilika e levu na ivola, tikidua, brochure se sarava tale ga na vidio ena JW Library.
Muria na idusidusi qo mo download qai vakayagataka vinaka na ivola:
Me Download
O rawa ni wilika e levu na ivola, tikidua, brochure se sarava tale ga na vidio ena JW Library ni sega na Internet. Ena rawa qori ke download rawa na ka kece o vinakata.
Dolava na kato qai tabaka na Publications mo raica na ka e vakarautaki.
Tabaka na Languages mo kila na vosa kece e vakarautaki kina na ka o vaqara. Tabaka na vosa o vinakata. Na vosa o digia wasoma ena toka sara e cake. Se mo taipataka ga na vosa o vinakata.
E vica na sala o rawa ni raica kina na ka o vinakata ena JW Library.
O na raica ena By Type na ka kece e vakarautaki ena vosa o vaqaqara kina. Era wasei tu vakaivola, tikidua, se vidio. Ni o tabaka e dua na iwasewase qori, o na raica na ka e vakarautaki, me vaka Na Vale ni Vakatawa ni veiyabaki se na iwasewase kece ni vidio. Tabaka na All Types ni o via vaqara tale eso na ka.
O na raica ena What’s New na ka vovou kece sa vakarautaki ena vosa o vaqaqara kina.
Ke se bera ni download e dua na ka, o na raica kina na ivakatakilakila ni o. Tabaka na ka o vinakata, ena download sara. Ni sa download, sa na yali na ivakatakilakila ni o. Tabaka tale mo rawa ni wilika.
O na raica ena Downloaded na ka kece o sa maroroya tu. Rawa ni wasei me vaka na kena e vakayagataki wasoma (Frequently Used), vakavudua (Rarely Used) se na kena levu (Largest Size).
Me Boko
Rawa ni o bokoca eso na ka, ke o sa sega ni vinakata se me vagalalataki ga.
Dolava na kato ena imawi qai tabaka Publications, tabaka na kena mataqali (kena ivakaraitaki, Books) mo raica na ivola kece e tiko. Me boko laivi, tabaka na ivakatakilakila e toka e yasana qai tabaka Delete.
Ke o via vagalalataka nomu talevoni se tablet, bokoca laivi na ka o sa sega ni dau vakayagataka se sa rui levu. Mo kila qori, tabaka na Downloaded qai raica na iwasewase ni Rarely Used se na Largest Size. Bokoca sara na ka o sa sega ni vinakata.
Me Vakavoutaki e Dua na Ka
E dau vakavoutaki ena so na gauna na ka sa maroroi tu.
Ni sa vakavoutaki e dua na ka, sa na vakatakilakilataki toka. Ni o tabaka na ivola qori, ena tukuni mai ni sa rawa ni vakavoutaki. Tabaka na Download mo vakavoutaka, se na Later mo wilika ga na kena sa toka rawa.
Mo kila kece na ka sa rawa ni vakavoutaki, dolava na kato, qai tabaka na Publications. Ke vinakati mo vakavoutaka eso na ka, o na raica na Pending Updates. Tabaka mo kila na ka me vakavoutaki. Tabaka sara na ka o via vakavoutaka, se tabaka ga na kena ibulukau e toka e cake me vakavoutaki kece.
Ena Feperueri 2015, a sevutaki na ka e vakarautaki qo ena JW Library 1.4, e rawa ni vakayagataki ena Android 2.3. Ke o se sega ni raica, yalovinaka muria na idusidusi ena Me Vakavoutaki ena ulutaga “Tekivu Vakayagataka na JW Library—Android.”
