Era vinakata na lewenivanua na iliuliu ni matanitu e rawa nira nuitaka, ia e vakayalolailaitaki ira na nodra cakacaka vakailawaki na daunipolitiki. Ena 2023 e caka e dua na vakadidike e veiyasa i vuravura, qai laurai ni levu na lewenivanua era sega ni via nuitaki ira na iliuliu ni matanitu. a

 E vakamacalataki ena iVolatabu e dua na matanitu e nuitaki qai daudina na kena iLiuliu, e sega vakadua ni cakacaka vakailawaki. Qori na Matanitu ni Kalou, e kena iLiuliu o Jisu Karisito.—Aisea 9:7.

 E vakadinadinataki ena ka e cakava o Jisu ni kauaitaki ira dina na lewenivanua. (Maciu 9:35, 36) Ni Tui ni Matanitu ni Kalou, ena vakaotia na veika tawadodonu qai kauta mai na vakacegu vei ira na ciqoma nona veiliutaki.—Same 72:12-14.