E kila vinaka o Jisu na rarawa e vakilai ena basulawa kei na ivalavala tawadodonu. E beitaki vakailasu, e mokulaki, veilewaitaki vakatawadodonu qai vakamatei. E sega na nona cala o Jisu, ia e tu vakarau me “solia . . . na nona bula me kedra ivoli e le levu.” (Maciu 20:28; Joni 15:13) Qo ni sa Tui ni Matanitu ni Kalou, ena vakarau kauta mai na lewadodonu e vuravura taucoko, ena vakaotia tale ga na basulawa.​—Aisea 42:3.

 E vakamacalataka na iVolatabu na ka ena yaco e vuravura ni sa na veiliutaki o Jisu:

•   “Sa na sega vakadua na daucaka ca, o na rai ena vanua era tu kina e liu, era na yali kina. Ia era na taukena na vuravura na yalomalumalumu, era na kunea na marau vakasakiti ena levu ni vakacegu.”​—Same 37:​10, 11.

 Eda na vakaraitaka vakacava noda vakavinavinakataka na ka kece e cakava o Jisu ena vukuda, kei na ka ena vakarau cakava? Ena Luke 22:​19, e kaya o Jisu vei ratou nona imuri me ratou vakananuma nona mate. Qori na vuna era dau vakananuma kina e veiyabaki na iVakadinadina i Jiova na siga ni nona mate o Jisu. Keimami sureti iko mo mai tomani keimami ena iVakananumi ni mate i Jisu, ena vakayacori tiko ena Sigatabu na ika24 ni Maji, 2024.

Vanua e Caka Kina na iVakananumi