E laurai ena dua na vakadidike e caka wale tiko ga qo e veiyasa i vuravura, a nira galili e rauta ni dua mai na veiyava na lewenivanua.

•   “Se mani duidui vacava noda yabaki ni bula, se vanua cava eda tu kina e se rawa ga nida vakila na galili.”—Chido Mpemba, na vunivola ni World Health Organization Commission on Social Connection.

 E levu era rairai nanuma nira dau galili ga na qase se o ira na tu taudua, ia e rawa nira galili tale ga na itabagone, o ira na bulabula vinaka, rawaka se vakawati. Na tu taudua kei na galili e rawa ni vakaleqa na noda bula kei na ivakarau ni lomada.

•   E kaya o Dr. Vivek Murthy, na iliuliu ni tabana ni bula e Merika: “E vakarerevaki na galili. Na nona rawa ni mate e dua ena vuku ni galili, e via vaka ga na nona rawa ni mate e dua e kania e 15 na tavako e veisiga.”

 E sega ni vinakata na Dauveibuli meda tu taudua. E nona inaki na Kalou meda marautaka na veitokani kei ira eso tale.

•   iVakavuvuli vakaivolatabu: “E kaya na Kalou: ‘E sega ni vinaka vua na tagane me tiko taudua.’”—Vakatekivu 2:18.

 E vinakata na Kalou meda veitokani voleka kei koya. E yalataka ni na toro volekati keda mai ke da saga meda toro voleka vua.—Jemesa 4:8.

•   iVakavuvuli vakaivolatabu: “Era marau o ira na kauaitaka nodra bula vakayalo, nira na wili mera lewe ni Matanitu vakalomalagi.”—Maciu 5:3.

 E vinakata na Kalou meda sokaloutaki koya kei ira tale eso. Nida cakava qori eda na vakila na marau.

•   iVakavuvuli vakaivolatabu: “Meda dau veinanumi nida veivakauqeti ena loloma kei na caka vinaka, meda kua ni biuta na noda soqoni vata,... ia meda veivakayaloqaqataki.”—Iperiu 10:24, 25.

 Mo kila eso tale na sala mo valuta kina na galili, wilika na ulutaga “Galili ena Vuravura e Bini Kina na iYaya ni Vakauitukutuku.”