Sean Gladwell/Moment via Getty Images
YADRA TIKO!
Levu na iLavo e Vakayagataki ena iValu—Cava e Kaya na iVolatabu?
Ena 2022, era vakayagataka na mataivalu e veiyasa i vuravura e rauta ni $2.24 na tirilioni na ilavo ni Merika. Se qai vakadua me tubu va qori na levu ni ilavo e vakayagataki ena gauna e via ravuti Ukraine kina na matanitu o Rusia. Ena Epereli 2023, e vakarautaka e dua na ripote na Stockholm International Peace Research Institute (SIPRI), me baleta na ilavo e vakayagataki kina:
Ena 2022, e “tubu ina 13 na pasede na ilavo e vakayagataka na mataivalu ni veivanua o Urope. Qori e ilavo levu duadua me vakayagataka ena ivalu me tekivu mai na 1991.”
“E tubu…ena 9.2 na pasede na levu ni ilavo e vakayagataka o Rusia. E dau kilai tu na matanitu qori me ikalima ni matanitu e vakayagataki ilavo levu duadua e vuravura, ia qo sa mai toka ena ikatolu ni tutu.”
Ni vakatauvatani kei na matanitu e veiyasa i vuravura, o Merika duadua e “tubu ina 39 na pasede” na levu ni ilavo vakayagataka ina ivalu.”
Qo na ka e tukuna o Dr. Nan Tian na daunivakadidike liu ni SIPRI: “Na levu ni ilavo era vakayagataka tiko na mataivalu e veiyasa i vuravura, e rawa ni leqataki kina na noda bula.”
Sa tukuna tu mai na iVolatabu nira na sega ni veiriti na matanitu lelevu, ra qai vakavuna e levu na leqa. E tukuna tale ga na sala eda na vakila kina na vakacegu dina.
Parofisaitaki ni na tubu na veileqaleqati ena mataivalu
E vakatoka na iVolatabu nida donuya tu qo na “gauna icavacava.”—Taniela 8:19.
E parofisaitaki ena ivola na Taniela nira na veisisivi na matanitu qaqa ena gauna qo. Era na ‘veicumu’ se mera veivalataka o cei e kaukaua duadua. E okati tiko kina qori na nodra vakayagataka ena ivalu e levu na “iyau,” se ilavo.—Taniela 11:40, 42, 43.
Mo kila eso tale na parofisai vakavure vakasama qori ena iVolatabu, sarava na vidio Vakayacori ni Parofisai—Taniela Wase 11.
Sala cava ena vakilai kina na vakacegu dina?
E kaya na iVolatabu ni Kalou ena sosomitaka na matanitu vakatamata, “ena vakarautaka . . . e dua na matanitu ena sega sara ni vakarusai. Ena sega ni soli na matanitu qo vua e dua tale na tamata. Ena vurumemeataka, ena vakawabokotaki ira na veimatanitu kece qori, ena tu ga me tawamudu.”—Taniela 2:44.
Sa voleka ni cakava na Kalou o Jiova a na ka e sega ni cakava rawa na tamata, ya me na kauta mai na vakacegu dina qai tawamudu. Ena sala cava? Ena vakarautaka nona Matanitu vakalomalagi me vakarusa na iyaragi ni valu, qai vakaotia na ivalavala kaukaua.—Same 46:8, 9.
Mo kila eso tale na ka ena cakava na Matanitu ni Kalou, wilika na ulutaga “‘Ena Qai Vakilai na Sautu’ ena Matanitu ni Kalou ”
a Na yaca ni Kalou o Jiova.—Same 83:18.
Rawa ni o Wilika Tale ga
SAUMI NA TARO VAKAIVOLATABU
Sala Cava ena Vakilai Kina e Vuravura na Vakacegu?
Vulica na ka e yalataka na Kalou me baleta na vakacegu ena kauta mai nona Matanitu.
ESSENTIAL BIBLE TEACHINGS
Na Cava na Matanitu ni Kalou?
Ena cakacaka vakaitalatala i Jisu, e dau vakabibitaka na Matanitu ni Kalou. Sa balavu nodra masulaka tiko na nona imuri me yaco mai na Matanitu qori.
ESO TALE NA ULUTAGA
iNuinui Totoka ena Veigauna se Bera Mai
Cava e duidui kina na ka era yalataka na tamata, kei na ka e yalataka na iVolatabu me baleta na veigauna se bera mai?
IVAKAVUVULI YAGA VAKAIVOLATABU
Tekivu Veiliutaki na Matanitu ni Kalou ena 1914
Ena sivia na 2,600 na yabaki sa oti, e vakavuna na Kalou me raica e dua na tui kaukaua e dua na tadra vakaparofisai sa vakayacori tiko nikua.
NA VALE NI VAKATAWA
Sa Voleka ni Veisau na Vuravura
E vakamacalataki e Na Vale ni Vakatawa qo, na inuinui e yalataki tu ena iVolatabu.
IVAKAVUVULI VAKAIVOLATABU
Tovolea na Vuli Qo
Na vuli iVolatabu qo ena sega ni saumi qai tiko e dua mo drau na veivosakitaka na iVolatabu.
