YADRA TIKO!
Tikoyavavala Vakapolitiki—Cava e Kaya na iVolatabu?
Sa qai tubu cake tiko ga na tikoyavavala vakapolitiki e yaco tiko e veiyasa i vuravura.
E Mexico, era vakamatei e le 39 na daunipolitiki, qai yaco e levu na tikoyavavala vakapolitiki donuya na gauna ni veidigidigi ena 2023 ina 2024.
Wale tiko ga qo e Urope, dua na ka na levu ni tikoyavavala vakapolitiki e yaco tiko kina, wili kina nona voleka ni vakamatei na paraiminisita ni Slovakia ena ika15 ni Me 2024.
Era kidroataka e levu nona voleka ni vakamatei o Donald Trump na peresitedi i liu kei Merika ena ika13 ni Julai 2024.
Cava sa qai levu tiko ga kina na tikoyavavala vakapolitiki? Vakacava ena rawa ni oti? Na cava e kaya na iVolatabu?
Parofisaitaki na veileqaleqati vakapolitiki
E parofisaitaka na iVolatabu nida donuya tu qo na gauna e vakatoka me “iotioti ni veisiga.” E levu gona era na vakaraitaka na itovo e vakavuna na itovo voravora kei na veileti.
‘Ni na duatani sara na iotioti ni veisiga, ena vakilai kina e levu na ka dredre. O ira na tamata era na sega ni . . . dau vakavinavinaka, era na sega ni yalodina, . . . era na sega ni via okati ena dua na veiyalayalati, . . . era na voravora, . . . era na dau veiliumuritaki, era na domoqa, era na dokadoka.’—2 Timoci 3:1-4.
E parofisaitaka tale ga ni na yaco vakalevu ena gauna qo na vakaduiduile kei na tikoyavavala. (Luke 21:9) Ia ena wali na leqa qori.
Ena oti na tikoyavavala vakapolitiki
E kaya na iVolatabu na Kalou sa vakarau sosomitaki ira kece na matanitu vakatamata ena nona matanitu.
“Ena vakarautaka na Kalou ni lomalagi e dua na matanitu. . . ena vurumemeataka, ena vakawabokotaki ira na veimatanitu kece qori, ena tu ga me tawamudu.”—Taniela 2:44.
Ena vakaduavatataki keda na Matanitu ni Kalou qai tauyavutaka na bula sautu e vuravura taucoko.
O Jisu Karisito na kena iLiuliu e vakatokai na “Turaga ni Sautu,” ena vakadeitaka tale ga ni na ‘vakilai tu ga na sautu.’—Aisea 9:6, 7.
Ena gauna qo, o ira na vakarurugi ena Matanitu ni Kalou era sa vulica tiko na sala mera veiyaloni kina. E kaya kina na iVolatabu: “Era na tukitukia na nodra iseleiwau me batinisiviyara kei na nodra moto me isele ni sasamaki. Ena sega ni lave iseleiwau e dua na matanitu ina dua na matanitu era na sega ni vulica tale na ivalu.”—Aisea 2:3, 4.
Mo kila eso tale na ka wilika na ulutaga, “Na Cava ena Cakava na Matanitu ni Kalou?” qai sarava na vidio Na Cava na Matanitu ni Kalou?
Rawa ni o Wilika Tale ga
NA VALE NI VAKATAWA
Cava ena Cakava na Matanitu ni Kalou?
E kila o Jisu na Matanitu ni Kalou duadua ga ena walia na leqa kece e vuravura. Cava sa cakava oti na Matanitu ni Kalou meda nuidei kina?
YADRA TIKO!
Era sa Sega ni Nuitaki na Daunipolitiki—Cava e Kaya na iVolatabu?
E uqeti keda na iVolatabu meda qarauna o cei eda nuitaka. E tukuna tale ga na sala vinaka duadua ena wali kina na noda leqa me baleta na gauna vinaka se bera mai.
YADRA TIKO!
Cava e Vaka vu Veisei Kina na ka Vakapolitiki?—Cava e Kaya na iVolatabu?
E vakilai e veiyasa i vuravura na veisei vakapolitiki. Ia e tukuna na iVolatabu na kena iwali, ya ena veiliutaki e dua na iliuliu ena vakaduavatataki keda kece.
NA VALE NI VAKATAWA
Na iLiuliu Cava sa Digia na Kalou?
ESO TALE NA ULUTAGA
iNuinui Totoka ena Veigauna se Bera Mai
Cava e duidui kina na ka era yalataka na tamata, kei na ka e yalataka na iVolatabu me baleta na veigauna se bera mai?
IVAKAVUVULI VAKAIVOLATABU
Tovolea na Vuli Qo
Na vuli iVolatabu qo ena sega ni saumi qai tiko e dua mo drau na veivosakitaka na iVolatabu.
