Dua na ka na levu ni nodra vakacaca eso na ilala e Haiti. E vakaleqai ira tale ga e levu na itovo kaukaua e yaco tiko e Sauca Aferika, Mexico kei na so na vanua mai Amerika Vakalatina. Ena vanua mada ga e sega ni yaco vakalevu kina na itovo kaukaua, e tukuni nira lomaleqa na lewenivanua ra qai sega ni nuidei ni butakoci se vakacacani na ka era taukena.

 Cava e kaya na iVolatabu me baleta na basulawa e yaco tu e veiyasa i vuravura?

 E parofisaitaka na iVolatabu na basulawa e dua na ivakatakilakila ni “ivakataotioti ni veika vakavuravura.” (Maciu 24:3) Ni vakamacalataka tiko o Jisu na ka e okati ena ivakatakilakila qori, e kaya:

•   “Ni tubu na ivalavala tawadodonu, ena batabata na nodra loloma e levu.”​—Maciu 24:12.

 E parofisaitaka tale ga na iVolatabu ni na basika “ena iotioti ni veisiga” eso “era na sega ni lewa vinaka na yalodra, era na voravora, era na sega ni vinakata na ka e dodonu.” (2 Timoci 3:​1-5) Na itovo tawaveinanumi qori e vakavuna na basulawa sa yaco tu nikua.

 Ia e tiko e dua na ka vinaka meda nuitaka. E yalataka na iVolatabu ni sa voleka na gauna me oti kina na basulawa.

•   “Malua mada vakalailai, sa na sega vakadua na daucaka ca, o na rai ena vanua era tu kina e liu, era na yali kina. Ia era na taukena na vuravura na yalomalumalumu, era na kunea na marau vakasakiti ena levu ni vakacegu.”​—Same 37:​10, 11.

 Mo kila eso tale na inuinui e yalataka na iVolatabu kei na vuna mo nuidei kina ni sa vakayacori tiko nikua na parofisai, raica na ulutaga.

 “Nuinui Totoka ena Veigauna se Bera Mai”

 “Cava na iVakatakilakila ni “iOtioti ni Veisiga” se “Gauna ni iCavacava”?”

 “Vakacava sa Parofisaitaki tu na Nodra iTovo e Levu Nikua?”