YADRA TIKO!
Vakacaca na Uneune e Taki kei Siria—Cava e Kaya na iVolatabu?
Ena ika6 ni Feperueri 2023, e vakacaca e dua na uneune kaukaua e Taki kei Siria.
“Ena siga Moniti era mate e rauta ni le 3,700 ena vuku ni uneune e vakacaca e Taki kei na vuaira kei Siria. Sa qai ca ga na ituvaki ni donuya tiko na draki batabata, e vica vata na udolu era mavoa qai vakacacani nodra vale. E dredre tale ga mera vaqarai o ira na se yali tiko.”—tabana ni itukutuku na Reuters, Feperueri 6, 2023.
Eda rarawataka nida rogoca na itukutuku va qori. Ia eda rawa ni nuitaki Jiova “na Kalou e dau vakacegui keda ena ka kece.” (2 Korinica 1:3) E ‘vakacegui keda mai na veika e volai ena iVolatabu me rawa ni noda na inuinui.’—Roma 15:4.
E vakamacalataki ena iVolatabu:
Na ka e parofisaitaki me baleta na uneune.
Na vanua eda na kunea kina na vakacegu kei na inuinui.
Sala ena vakaotia vakadua kina na Kalou na rarawa kece.
Mo kila na ka e kaya na iVolatabu me baleta na ulutaga qori, wilika na ulutaga:
a Na yaca ni Kalou o Jiova.—Same 83:18.