Ena 2023, era raica na tabana ni bula ni levu era vakila na galili e veiyasa i vuravura, ra qai vinakata mera cakava kina e dua na ka. Vakacava e tiko na kena iwali?

•   E kaya o Dr. Vivek Murthy, na iliuliu ni tabana ni bula e Merika: “E rawa ni caka kina e dua na ka.” Ena sala cava? E tomana: “Ya na noda cakava eso na ka e veisiga meda vaqaqacotaka kina noda veitokani kei ira eso tale.” a

 E sega ni kena ibalebale nida tu taudua eda na vakila na galili. Eso mada ga era dau galili nira tiko kei ira e le levu. Se mani cava e vakavuna na noda galili, e rawa ni vukei keda na iVolatabu. E tu kina na ivakasala yaga ena vukei keda meda valuta na galili nida vaqaqacotaka noda veitokani.

 Dau veivosaki wasoma. E sega ni okati ga kina nomu talaucaka na lomamu, ia mo dau vakarorogo vinaka. Ni o kauaitaki ira vakalevu eso tale, ena qaqaco na nomu veitokani kei ira.

•   iVakavuvuli vakaivolatabu: ‘Kua ni kauaitaka ga na ka e baleti kemuni, ni kauaitaka tale ga na ka e baleti ira tale eso.’—Filipai 2:4.

 Vakarabailevutaka nomu veitokani. Mo yalorawarawa ni veitokani kei ira era qase se gone vei iko, o ira e duidui na nodra itovo, se vanua era cavutu mai kina.

•   iVakavuvuli vakaivolatabu: “Moni lomasavu.”—2 Korinica 6:13.

 Mo kila eso tale na sala mo vaqaqacotaka kina nomu veitokani kei ira eso tale, wilika na ulutaga “Satisfying Our Hunger for Friendship.”