YADRA TIKO!
Waluvu—Cava e Kaya na iVolatabu?
E levu era sa vakaleqai ena waluvu e veiyasa i vuravura. Qo e vica na ripote e tauri rawa:
“Vica na siga sa oti e tau bi na uca ena koroturaga kei Jaina. Se qai vakadua me tau vakalevu va qo na uca ni vakatauvatani kei na 140 na yabaki sa oti. Tekivu mai na Vakarauwai me yacova na siga Vukelulu e tau e rauta ni . . . 744.8 na milimita na levu ni uca.”—tabana ni itukutuku na AP News, Okosita 2, 2023.
“Ena Lotulevu sa ikarua ni siga nona vakacaca na cagilaba o Khanun, lai vakavuna na bi ni uca kei na kaukaua ni cagi ena ceva kei Japani. Erau mate kina e le rua. . . . Ena rawa ni tau vakalevu gona na uca ena veiulunivanua ena loma kei Taiwan.”—tabana ni itukutuku na Deutsche Welle, Okosita 3, 2023.
“Ena loma ni 50 na yabaki se qai vakadua qo me tau bi vakalevu na uca ena Wasawasa na Atalanitika e Kenada. E lai vakavuna me waluvu na vanua [o Nova Scotia].”—tabana ni itukutuku na BBC News, Julai 24, 2023.
Cava e tukuna na iVolatabu me baleta na ituvaki qori?
iVakatakilakila ni “iotioti ni veisiga”
E kaya na iVolatabu nida sa bula tu qo ena “iotioti ni veisiga.” (2 Timoci 3:1) E parofisaitaka o Jisu ni na vakilai “na veika vakadomobula,” se vakarerevaki ena gauna qo. (Luke 21:11) Na veisau ni draki e vakavuna me yaco e levu na veika vakadomobula, e yaco veitaravi qai kaukaua cake tiko ga na kena vakacaca.
Vuna me tiko kina noda inuinui
E kaya na iVolatabu ni dodonu meda nuidei ena levu ni veika vakadomobula e yaco tiko e vuravura nikua. Na vuna? E kaya o Jisu: “Ni dou raica ni sa yaco na veika qo, dou kila sara ni sa voleka na Matanitu ni Kalou.”—Luke 21:31; Maciu 24:3.
Na veika e yaco tu nikua e vakaraitaka ni Matanitu ni Kalou ena vakarau lewa na ka kece e vuravura, wili kina na italetale ni wai.—Jope 36:27, 28; Same 107:29.
Mo kila eso tale na ka ena sala na walia kina na Matanitu ni Kalou na leqa e vuravura, raica na ulutaga “O Cei ena Taqomaka na Vuravura?”
Rawa ni o Wilika Tale ga
ESO TALE NA ULUTAGA
E Rawa ni Vukei Iko na iVolatabu Mo Vosota na Leqa Tubukoso?
Na iVolatabu ena vukei iko ena ka mo cakava ni bera ni yaco na leqa tubukoso, gauna e yaco tiko kina kei na gauna sa oti kina.
SAUMI NA TARO VAKAIVOLATABU
Cava na iVakatakilakila ni “iOtioti ni Veisiga” se “Gauna ni iCavacava”?
E parofisaitaka na iVolatabu ni levu na ka ena yaco vata ga ena dua na gauna.
ESO TALE NA ULUTAGA
Ka e Kaya na iVolatabu ena Veiveisau ni Draki kei na Noda Gauna se Bera Mai
Vakacava e kauaitaki keda kei na vuravura na Dauveibuli?
IVAKAVUVULI YAGA VAKAIVOLATABU
E Vakavuna na Kalou na Leqa Tubukoso?
Rogoca na ka rau tukuna e rua rau vakaleqai ena leqa tubukoso ena ka rau vulica ena iVolatabu.
ESO TALE NA ULUTAGA
iNuinui Totoka ena Veigauna se Bera Mai
Cava e duidui kina na ka era yalataka na tamata, kei na ka e yalataka na iVolatabu me baleta na veigauna se bera mai?
BALETI KEIMAMI
Kerea mo Sikovi
Veivosakitaka na isau ni dua na nomu taro mai na iVolatabu, se mo vulica eso tale na ka me baleti ira na iVakadinadina i Jiova.
