SERE 111
Vu ni Noda Marau
-
1. Levu na vu ni noda marau,
Kena talei vaka na iyau.
Ka domoni veimatanitu
Ra mai tomani keda tu.
Qo yavu dei ni noda marau,
Vu mai na Vosa ni Kalou.
E veisiga da dau vulica,
Yaco meda vakabauta.
Sa qai dei ga na noda marau,
E lomada sa qai serau.
Ia ke da sotava na leqa,
Jiova ena vukei keda.
(ITALETALE)
Jiova vu ni noda marau,
Weniligana rui matau.
Rui totoka nona cakacaka
Qai rui dau yalovinaka!
-
2. Vu ni marau weniligana,
Lomalagi, wasawasa.
Kena ivola nida qai raica,
Eda vakacaucau ga vua.
Meda dau vunau ena qaqa,
Matanitu kacivaka.
iRogo ni veika totoka,
Da marau ni va’rogoya.
Marau ta’mudu sa voleka,
Sa vo ga e dua na siga.
Vuravura vou kei na lewa
Na kauta mai marau dina.
(ITALETALE)
Jiova vu ni noda marau,
Weniligana rui matau.
Rui totoka nona cakacaka
Qai rui dau yalovinaka!
(Raica tale ga na Vkru. 16:15; Aisea 12:6; Joni 15:11.)