SERE 92
Na Vale e Vakatokai ena Yacamuni
-
1. E rui ka dokai dina Jiova,
Tara ni nomuni vale!
Keimami sa solia yani
Moni vakacerecerei.
Veika kece keimami solia,
A nomuni tu ga mai liu.
Neimami taledi kei na igu,
Mami marau ni solia tu.
(ITALETALE)
Vale qo sa soli yani,
Yacamuni me kilai.
Vakatabui vei kemuni,
Ni taura e nomuni.
-
2. Tama i keimami moni dokai,
Vale qo ni serauna mai.
Tubu me na yaco dina ga
Vei ira o dau tubera.
Sa vale ga ni sokalou qo,
Keimami na karona tu.
Me sa na vakadinadina,
Ni rogo mami tukuna.
(ITALETALE)
Vale qo sa soli yani,
Yacamuni me kilai.
Vakatabui vei kemuni,
Ni taura e nomuni.
(Raica tale ga na 1 Tui 8:18, 27; 1 Vei. 29:11-14; Caka. 20:24.)
