SERE 96
Vosa ni Kalou—iYau Talei
-
1. E dua na ivola sa levu na drauna,
Vu ni veivakacegui na marau.
Lewena e rui uasivi qai mana,
Yalataka na bula kei na rai.
Na iVolatabu sa ivola ni Kalou.
E uqeti ira na a vola,
Ira dina na lomani Jiova,
Yalona tabu tuberi ira.
-
2. Nona veibuli era a vola ga,
Nona igu buli na vuravura.
O rau na vuda bula rui totoka,
Parataisi rau vakayalia.
Ra a vola ni dua na agilosi,
Cata na Kalou ni veiliutaki.
Tamata vu ni nona mai rarawa,
O Jiova sa na vakarau qaqa.
-
3. Oqo dina na gauna meda reki:
Lewa o Jiova vuku i Luvena.
Matanitu meda na vunautaka,
Ka vinaka na mai va’rautaka.
Qo na irogo sereki nona iVola,
Nida kania sa vu ni bula.
Vuku ni tamata e uasivia,
Yaubula qori mo dauwilika.
(Raica tale ga na 2 Tim. 3:16; 2 Pita 1:21.)