WASE 16
Vorata na Tevoro
“Vorata na Tevoro, ena qai dro tani vei kemuni.”—JEMESA 4:7.
1, 2. Na cava meda kila me baleti Setani kei ira na nona timoni?
SA NA totoka dina na bula ena vuravura vou i Jiova. Sa da na bula ena inaki e vinakata vei keda na Kalou. Ia eda bula tu qo ena vuravura e lewa o Setani kei ira na nona timoni. (2 Korinica 4:4) Eda sega ni raici ira rawa, ia era bula dina tu ra qai kaukaua.
2 Eda na veivosakitaka ena wase qo na sala meda volekati Jiova kina da qai vorati Setani. E yalataka o Jiova ni na vukei keda. Ia meda kila mada na iwalewale e vakayagataka o Setani kei ira na nona timoni mera lawakitaki keda kina qai bacani keda.
“VAKA NA LAIONE E TAGI”
3. Na cava e via cakava vei keda na Tevoro?
3 E tukuna o Setani nida qaravi Jiova ga meda rawaka kina, ia nida sotava na dredre eda na sega ni qaravi koya. (Wilika Jope 2:4, 5.) E kila vinaka o Setani kei ira na nona timoni ke dua e vinakata me vulici Jiova, era na saga mera tarovi koya. Era cudru ni dua e yalataki koya vei Jiova qai papitaiso sara. Na iVolatabu e vakatauvatana na Tevoro ina “laione e tagi, e vakasaqara tiko e dua me tiloma.” (1 Pita 5:8) E vinakata o Setani me muduka noda veiwekani kei Jiova.—Same 7:1, 2; 2 Timoci 3:12.
E cudru o Setani nida yalataki keda vei Jiova
4, 5. (a) Na cava e sega ni cakava rawa o Setani? (b) Cava na ibalebale ni “vorata na Tevoro”?
veivakararawataki levu.” (Vakatakila 7:9, 14) Ena sega ni rawa ni tarova qori na Tevoro, ni taqomaki ira tiko nona tamata o Jiova.
4 E sega ni dodonu meda rerevaki Setani kei ira na nona timoni. E yalana o Jiova na ka era rawa ni cakava vei keda. E yalataka o Jiova ni dua “na isoqosoqo levu” era lotu vaKarisito dina era na bula sivia na “5 Ke da volekati Jiova ena sega ni vakaleqa o Setani 2 Veigauna 15:2; wilika 1 Korinica 10:13.) Levu na tamata yalodina ni Kalou ena gauna makawa me vakataki Epeli, Inoki, Noa, Sera, kei Mosese, era vorata na Tevoro nira volekati Jiova. (Iperiu 11:4-40) Qori tale ga na ka eda rawa ni cakava. E yalataka na Vosa ni Kalou: “Vorata na Tevoro, ena qai dro tani vei kemuni.”—Jemesa 4:7.
na noda veiwekani kei na Kalou. E vakadeitaka na Vosa ni Kalou: “Ena tokoni kemuni o Jiova ke oni tiko vata ga kei koya.” (‘EDA VEIVALA TIKO’
6. E bacani keda vakacava o Setani?
6 E kila o Setani ni ka e rawa ni cakava vei keda e yalana tu o Jiova, ia ena saga tiko ga me vakaleqa noda veiwekani kei na Kalou. E levu na sala e veibacani kina nikua na Tevoro, e vakayagataka na ilawaki sa dau cakava tiko mai ena veiyabaki sa sivi. Na cava eso na ilawaki qori?
7. Na cava e vakacacani ira kina na tamata i Jiova o Setani?
7 E vola na yapositolo o Joni: “E lewa tiko na vunica na vuravura taucoko.” (1 Joni 5:19) E lewa tu o Setani na vuravura qo, e vinakata tale ga me lewai ira na tamata i Jiova. (Maika 4:1; Joni 15:19; Vakatakila 12:12, 17) E kila na Tevoro ni sa lekaleka na nona gauna, sa qai soli sele ga meda kua ni yalodina kina vua na Kalou. So na gauna ena vakacacani keda vakadodonu, se cakava vaqaseqase.
8. Na cava meda kila tiko na lotu vaKarisito?
8 Eda wilika ena Efeso 6:12: nida “veivala [“veimulomulo,” ivakamacala e ra] . . . kei ira na yalo ca tawarairai ena veiyasana vakalomalagi.” O keda yadudua na lotu vaKarisito eda veivala tiko kei na Tevoro kei ira na nona timoni. E bibi meda kila nira okati ena vala qo o ira kece era yalataka nodra bula vei Jiova. Ni volavola o Paula vei ira na lotu vaKarisito mai Efeso, e uqeti ira mera “tudei.”—Efeso 6:11, 13, 14.
9. Na cava e via cakava vei keda o Setani kei ira nona timoni?
9 E vakayagataka o Setani kei ira na nona timoni e levu na sala mera lawakitaki keda. Nida sa vosota rawa e dua na veivakatovolei i Setani, e sega ni kena ibalebale ni sa na oti na nona vakatovolei keda tiko. Ena saga na Tevoro me kila na noda malumalumu qai vakayagataka na baca eda na rawai kina. Ia eda na sega ni rawai nida vulica ena iVolatabu na dai e dau biuta mai na Tevoro. (2 Korinica 2:11; raica na iKuri ni iVakamacala 31.) Dua vei ira na vakatevoro.
YAWAKI IRA SARA NA TIMONI
10. (a) Na cava na vakatevoro? (b) E raica vakacava o Jiova na vakatevoro?
10 Na vakatevoro e okati kina nona veitaratara e dua kei na timoni, me vaka na daurairai, vakadraunikau, cakaisausau, kei na kena sagai na veivosaki kei ira na mate. E tukuna na iVolatabu ni ka “vakasevaki” na vakatevoro, eda sega ni rawa ni qarava na timoni ena gauna vata ya meda qaravi Jiova. (Vakarua 18:10-12; Vakatakila 21:8) Meda cata sara ga na lotu vaKarisito na vakatevoro kece.—Roma 12:9.
11. Na cava ena rawa ni yaco ke da via kila na ka vakatevoro?
11 E kila tu o Setani ke da taleitaka na ka vakatevoro, ena rawarawa vua me rawai keda kina. Ke da vakaitavi ena ka vakatevoro ena rawa ni vakaleqa noda veiwekani kei Jiova.
VEIVAKAISINI O SETANI
12. E dau uqeta vakacava o Setani na noda vakasama?
12 E dau saga o Setani me vakasesea na noda vakasama. E vakavurea vakalalai na yalo ni vakatitiqa me yacova nida lai nanuma ni “vinaka na ca, e ca na vinaka.” (Aisea 5:20) E uqeta na Tevoro na vakasama ni sega ni yaga na ivakasala ena iVolatabu, eda na marau tale ga vakalevu ke da dau vakawaletaka na ivakatagedegede ni Kalou.
13. E vakavurea vakacava o Setani na vakatitiqa?
13 Dua na iwalewale mana e vakayagataka dede tiko mai o Setani oya na vakatitiqa. Ena were o Iteni e vakayagataka na taro me vakavurea na vakatitiqa ni tarogi Ivi: “E kaya sara ga na Kalou mo drau kua ni kana mai na vunikau kece e tu ena were?” (Vakatekivu 3:1) Ena gauna i Jope, e tarogi Jiova o Setani ena matadra na agilosi: “Vakacava e sega ni yaga nona rerevaka na Kalou o Jope?” (Jope 1:9) Ni papitaiso oti o Jisu e kaya vua o Setani: “Ke o luve ni Kalou, mo kaya ina vatu era tu qo mera vuki mera ibuli madrai.”—Maciu 4:3.
14. E vakavurea vakacava o Setani na vakatitiqa me baleta na rerevaki ni vakatevoro?
14 Se vakayagataka tiko ga o Setani nikua na vakatitiqa me veirawai kina. Ni biuta mai vaqaseqase na ka vakatevoro me vaka e vinaka tu, e sa saga sara tiko ga mera lomatarotarotaka eso ke ca dina na vakatevoro. Eso mada ga na lotu vaKarisito era sega ni raica rawa na kena rerevaki. (2 Korinica 11:3) Na cava meda cakava meda taqomaki keda kina? Eda na vakadeitaka vakacava meda kua ni rawai ena ilawaki i Setani? Meda dikeva mada qo e rua na sala eda na rawa ni rawai kina: na ka ni veivakamarautaki kei na iwali ni tauvimate.
VAKAYAGATAKA O SETANI NODA GAGADRE
15. E rawa vakacava ni okati ena ka vakatevoro na ka ni veivakamarautaki eda digia?
15 Sa vakaraitaki vakalevu nikua ena iyaloyalo, vidio, tivi, qito ena kompiuta kei na Internet na ka vakatevoro, na cakaiba kei na kaukaua vuni. Levu era raica qori me ka ga ni lasa, e sega ni rerevaki, ia era sega ni kila nira sa vakatara sara tiko ga na tevoro ena nodra bula. E rawa ni okati tale ga e dua ena ka vakatevoro ke dau wilika na horoscope, na qeteqeteniliga, vakayagataki ni imau kei na polo karisitala. E vunitaka na Tevoro na kena vakarerevaki qai saga me vaka e ka vuni, e taleitaki qai ka ni lasa. Ena rairai nanuma kina e dua ni sega ni dua na leqa ke saravi na iyaloyalo ni tevoro se vakaraitaki kina na kaukaua vuni, me kua ga ni cakava se muria. Na cava e rerevaki kina na rai va qori?—1 Korinica 10:12.
16. Na cava meda cata kina na ka ni veivakamarautaki e vakatevoro?
16 E sega ni kila o Setani kei ira na nona timoni na lomada. Ia era rawa ni kila na noda gagadre kei na noda vakasama nira dau vakadikeva na ka eda dau vakatulewataka, na veika e vauca noda vuvale kei na ka ni veivakamarautaki. Ke da digia na iyaloyalo, ivakatagi, kei na ivola me baleta na vakatevoro, cakaiba, curumi timoni, buitevoro, o ira na daugunu dra, Kalatia 6:7.
kei na so tale ena taura rawa o Setani kei ira na nona timoni nida via kilai ira. Era na qai saga mera veivakauqeti vakalevu ena ka vakatevoro.—Wilika17. Na cava e rawa ni cakava o Setani nida saga meda bulabula?
17 E dau vakayagataka vinaka tale ga o Setani noda vinakata meda bulabula. E levu nikua era dau tauvimate. Ena rairai qara e dua e levu na veiqaravi vakavuniwai, ia e qai sega ni vinaka. (Marika 5:25, 26) Ni dua e vaqara bula ena cakava na ka ga e tukuni vua. Ia nida lotu vaKarisito, meda qarauna meda kua ni digia na veiqaravi vakavuniwai e okati me “vakatevoro.”—Aisea 1:13.
Nuitaki Jiova ni o tauvimate
18. Na veiqaravi vakavuniwai cava me qarauna na lotu vaKarisito?
18 Eso era dau “vakatevoro” e Isireli makawa. E kaya vei ira o Jiova: “Ni oni dedeka na qeteqete ni ligamuni, au vunia na mataqu vei kemuni. Oni masu vakalevu, ia au sega ni rogoca.” (Aisea 1:15) Vakasamataka mada, ena sega ni rogoca na nodra masu o Jiova! Eda sega ni via cakava e dua na ka me vakaleqa noda veiwekani kei Jiova, me kua kina ni vukei keda vakabibi nida tauvimate. (Same 41:3) Bibi gona meda kila ke sema tiko ena vakatevoro na veiqaravi eda digia. (Maciu 6:13) Ke da kila ni sema tiko kina vakalailai meda kua ni vakayagataka!—Raica na iKuri ni iVakamacala 32.
KEDRA ITALANOA NA TIMONI
19. E dau vakavuna vakacava na rere na Tevoro?
19 Eso era nanuma ni sega ni bula dina na Tevoro kei ira na nona timoni, ia eso tale era kila nira bula dina tiko ena vuku ni ituvaki era sotava. Levu era rerevaki ira na yalo velavela ra qai bobula ina ivakarau vakatevoro. Eso tale era vakatetea na italanoa ni timoni ena nodra tukuna na ka vakadomobula era dau cakava vei keda. E levu era dau taleitaka na italanoa va qori ra qai dau tukuna vei ira tale na so. Qori e vakavuna nodra rerevaka na Tevoro.
20. Eda na rawa ni vakatetea vakacava na lasu i Setani?
20 Vakasamataka mada qo—E vinakata o Setani mera rerevaki koya na tamata. (2 Cesalonaika 2:9, 10) Ni dau lasulasu e kila na sala me uqeta kina na nodra vakasama o ira era taleitaka na ka vakatevoro, mera vakabauta tale ga na ka ena rairai sega ni dina. Era na rairai talanoataka o ira qori na ka era nanuma nira raica se rogoca. Na levu ga ni nodra talanoataka na italanoa va qori, na levu ni kena vakatubutaki. Eda sega ni via tokoni Setani ena nona veivakarerei ena kena vuki talanoataki eso na ka va qori.—Joni 8:44; 2 Timoci 2:16.
21. Na cava meda talanoataka?
21 Ke dua na tamata i Jiova e dau vakatevoro tu e liu, ena sega ni vuki talanoataka vei ira tale na so me ka ni lasa. Meda kua ni rerevaka na dauveiqaravi i Jiova na ka e rawa ni cakava na Tevoro kei ira nona timoni. Meda raica ga vakabibi na ka e cakava o Jisu kei na kaukaua e solia vua o Jiova. (Iperiu 12:2) E sega ni dau talanoataki ira na timoni o Jisu vei ira na nona tisaipeli. E kauaitaka ga vakabibi na itukutuku ni Matanitu ni Kalou kei na “veika vakatubuqoroqoro ni Kalou.”—Cakacaka 2:11; Luke 8:1; Roma 1:11, 12.
22. Na cava o vakadeitaka mo cakava?
22 Meda nanuma tiko ni nona inaki o Setani me vakaleqa noda veiwekani kei Jiova. Ena saga na ka kece me vakayacora kina qori. Eda kila vinaka na nona iwalewale, eda na vakadeitaka tale ga meda vorata na ka kece e okati me vakatevoro. Eda na sega ni “solia e dua na galala vua na Tevoro” me vakamalumalumutaki keda. (Wilika Efeso 4:27.) Ke da vorata na Tevoro, eda na sega ni rawai ena nona ivadi, ena qai taqomaki keda o Jiova.—Efeso 6:11.