Na ivola iDusidusi ena Noda Bula vaKarisito ena vakarawarawataka mo raica na tikinivolatabu kei na italanoa vakaivolatabu, ena vukei iko mo vosota na ituvaki dredre. O na rawa ni kunea na tikinivolatabu donu mo vakayaloqaqataka kina eso tale, ra qai cakava na vakatulewa ena rokovi kina o Jiova. Digia na ulutaga o via kila, na ulutaga yadua e tiko na kena taro kei na ivakamacala lekaleka vakaivolatabu. (Raica na kato “ iVakavakayagataki ni iVola Qo.”) O na raica kina e levu na ivakasala yaga, e veiganiti, veivakacegui qai veidusimaki ena Vosa ni Kalou. O na raica tale ga na iyau mo wasea vei ira tale eso​—na tikinivolatabu ena uqeti ira, walia nodra leqa, ena dusimaki ira qai veivakayaloqaqataki.

E sega ni volai na tikinivolatabu kece me baleta e dua na ulutaga. E caka qo me tekivu rawa ga kina nomu vakekeli. (Vvb 2:​1-6) Mo rawa ni kila e levu na ka, vakayagataka na idusi ena tikinivolatabu kei na study notes ena New World Translation of the Holy Scriptures. Mo kila na ibalebale ni dua na tikinivolatabu kei na sala mo bulataka kina, vakayagataka na iDusidusi ni Vakadidike ni iVakadinadina i Jiova se na Watch Tower Publications Index. Raica na ivola se qai tabaki vou ga mo vakadeitaka kina na kila vou vakaivolatabu.

Me vukei iko mada ga na ivola iDusidusi ena Noda Bula vaKarisito me vakalevutaka nomu vuku, kilaka, kei na yalomatua ena iVolatabu. Ni o vakayagataka na ivola qo, o na vakadeitaka sara ga ni “bula na vosa ni Kalou qai kaukaua.”​—Ipe 4:12.