Veivosoti
E vakacava nona yalorawarawa o Jiova me veivosoti?
Raica tale ga 2Pi 3:9
-
iVakaraitaki Vakaivolatabu:
-
Sm 78:40, 41; 106:36-46—E dau vosoti ira vakalevu na nona tamata o Jiova, ia e dau vakararawataki koya na nodra valavala ca
-
Lu 15:11-32—E vakatauvatana o Jisu na veivosoti i Jiova ni vakamacalataka na nona yalololoma e dua na tama vua na luvena e cala qai veivutuni
-
Na yavu cava e vosota kina o Jiova noda ivalavala ca?
-
iVakaraitaki Vakaivolatabu:
-
Ipe 9:22-28—E kaya na yapositolo o Paula ni sala duadua ga e vosoti kina noda ivalavala ca oya na dra i Karisito
-
Vta 7:9, 10, 14, 15—E raivotutaka na yapositolo o Joni e dua na “isoqosoqo levu,” era savasava ena mata ni Kalou ena vuku ni dra i Karisito
-
Ke da vinakata me vosoti keda o Jiova, na cava meda cakava vei ira na cala vei keda?
Mac 6:14, 15; Mar 11:25; Lu 17:3, 4; Jem 2:13
-
iVakaraitaki Vakaivolatabu:
-
Jop 42:7-10—Ni bera ni kauta laivi o Jiova na rarawa i Jope, me vakaotia na kena mate qai vakalougatataki koya, e tukuna vei Jope me masulaki ratou nona itokani lasu
-
Mac 18:21-35—E tukuna o Jisu e dua na vakatautauvata me baleta na bibi ni noda veivosoti me rawa ni vosoti keda o Jiova
-
E bibi vakacava na vakatutusa kei na veivutuni dina mai lomada?
-
iVakaraitaki Vakaivolatabu:
-
Sm 32:1-5; 51:1, 2, 16, 17—Ni valavala ca bibi o Tui Tevita, e lomabibi qai ora na lomana, ia e veivutuni dina mai vu ni lomana
-
Jem 5:14-16—E kaya o Jemesa ke da cakava e dua na cala bibi, e dodonu meda raici ratou na qase ni ivavakoso
-
Na veiveisau cava meda cakava me vosoti keda kina o Jiova?
-
iVakaraitaki Vakaivolatabu:
-
1Tu 21:27-29; 2Ve 18:18-22, 33, 34; 19:1, 2—Ni lewai o Tui Eapi, e yalomalumalumu qai lomani koya o Jiova; ia e sega ni vakaraitaka na veivutuni dina mani vakamatei
-
2Ve 33:1-16—E torosobu na cala e cakava o Tui Manasa; ia e vosoti koya o Jiova ni veivutuni. E vakaraitaka o Manasa ni sa veisau dina, ni tarova na qaravi matakau qai uqeta na sokalou savasava
-
E vakacava na levu ni nona veivosoti o Jiova ni dua e veivutuni?
Sm 103:10-14; Ais 1:18; 38:17; Jr 31:34; Mai 7:19
-
iVakaraitaki Vakaivolatabu:
-
2Sa 12:13; 24:1; 1Tu 9:4, 5—E valavala ca bibi o Tevita, ia e vosoti koya o Jiova ni veivutuni qai vakatokai koya ena dua na gauna me tamata yalodina
-
E vakatotomuri Jiova vakacava o Jisu ni tu vakarau me veivosoti?
-
iVakaraitaki Vakaivolatabu:
-
Mac 26:36, 40, 41—Ratou moce tu na itokani voleka i Jisu ena gauna e vinakata kina nodratou veivuke; ia e yalololoma o Jisu ni kila vinaka na nodratou wawale
-
Mac 26:69-75; Lu 24:33, 34; Cak 2:37-41—E cakitaki Jisu vakatolu o Pita, ia e vosoti koya o Karisito ni veivutuni; e rairai vua o Jisu ni vakaturi oti qai lesi koya ena itavi lavotaki ena ivavakoso
-
Eda kila vakacava ni vakaiyalayala na veivosoti i Jiova?
Mac 12:31; Ipe 10:26, 27; 1Jn 5:16, 17
-
iVakaraitaki Vakaivolatabu:
-
Mac 23:29-33—E vunauci ira na vunivola kei na Farisi o Jisu nira na rusa vakailawalawa i Qiena, se rusa vakadua
-
Jn 17:12; Mar 14:21—E vakatokai Jutasa Isikarioti o Jisu me “o koya e dodonu me rusa” qai kaya ni vinaka cake me kua ga ni sucu mai na dauveidabui qo
-
Ena yalorawarawa vakacava e dua na lotu vaKarisito me veivosoti?
Rawa ni o Wilika Tale ga
SAUMI NA TARO VAKAIVOLATABU
Na Cava na Veivosoti?
E tukuna na iVolatabu e lima na ka o rawa ni cakava mo veivosoti kina.
SAUMI NA TARO VAKAIVOLATABU
Ena Vosoti au na Kalou?
Dikeva na ka e tukuna na iVolatabu ena sala me vosoti keda kina na Kalou.
NA VALE NI VAKATAWA
Au Vulica ni Yalololoma Qai Dau Veivosoti o Jiova
E vaka na wainimategaga vei Normand Pelletier nona dau lawakitaki ira na tamata. Ia e luluvu ena nona wilika e dua ga na tikinivolatabu.
VAKADAMURIMURIA NODRA VAKABAUTA
Pita—E Vulica Vua na Turaga me Dauveivosoti
Na cava e vakavulica vei Pita o Jisu me baleta na veivosoti? E vakaraitaka vakacava o Jisu ni vosoti Pita?
JISU—NA SALA, NA DINA, NA BULA
Yali sa Qai Kune Tale
Cava eda vulica ena vosa vakatautauvata i Jisu me baleta na gone cidroi?
BALETI KEIMAMI
Kerea mo Sikovi
Veivosakitaka na isau ni dua na nomu taro mai na iVolatabu, se mo vulica eso tale na ka me baleti ira na iVakadinadina i Jiova.
