IWASEWASE 2
Waluvu ina Veivakabulai Mai Ijipita
E walu ga na tamata eratou bula ena Waluvu, ia ni toso na gauna sa tubu na kedratou iwiliwili me vica vata na udolu. Oti tale e 352 na yabaki mai na Waluvu a sa qai sucu o Eparama. Eda na raica ni a dina ina nona yalayala vei Eparama na Kalou me solia vua e dua na luvena tagane, na yacana o Aisake. Mai na rua na luve i Aisake, a digitaki Jekope na Kalou.
E dua na vuvale levu i Jekope, e 12 na luvena tagane kei na so na yalewa. E lewe 10 vei ratou na luve i Jekope eratou cati Josefa na tacidratou gone, ratou qai volitaki koya me bobula i Ijipita. Lakolako, sa qai yaco o koya me dua na iliuliu rogo e Ijipita. Ni sa yaco na dausiga levu, a qai vakatovolei iratou na tuakana o Josefa se sa bau veisau na lomadratou. Era qai toki kece i Ijipita na vuvale i Jekope, se o ira na Isireli. E yaco na ka oqo ni sa oti e 290 na yabaki na sucu i Eparama.
Era a tiko ga mai Ijipita na Isireli ena loma ni 215 tale na yabaki e tarava. Ni sa mate o Josefa, era sa qai tu vakabobula. Lakolako, sa qai sucu o Mosese, a talai koya na Kalou me vakabulai ira na Isireli mai Ijipita. Na ivolatukutuku kece ni 857 na yabaki sa tu ena iWasewase RUA.
ENA IWASEWASE QO
ITALANOA 12
Era Tara na Vale Cecere
A sega ni marau na Kalou, eda se vakila tiko ga nikua na revurevu ni nona vakatauitotogi.
ITALANOA 13
Eparama?—Na iTokani ni Kalou
Na cava e biuta kina na nona vanua vinaka o Eparama me lai bula tu ena valelaca?
ITALANOA 14
Vakatovolea na Vakabauta i Eparama na Kalou
Na cava e tukuna kina na Kalou vei Eparama me cabora na luvena o Aisake?
ITALANOA 16
Digitaki me Wati Aisake e Dua na Yalewa Vinaka
E rawa vakacava me dua na yalewa vinaka o Repeka? Na kena totoka, se dua tale na ka?
ITALANOA 17
Na Drua Erau Duidui
Na tamadrau o Aisake e lomani Iso vakalevu, ia na tinadrau o Repeka e lomani Jekope vakalevu sara
ITALANOA 19
Na Vuvale i Jekope
Vakacava e vakayacani na 12 na yavusa e Isireli vei ratou na 12 na luvena tagane o Jekope?
ITALANOA 22
Biu o Josefa i Valeniveivesu
E sega ni biu e kea ni beca na lawa, e baleta ga ni cakava na ka dodonu.
ITALANOA 23
Na Tadra i Fero
Dua na ka e tautauvata kina na vitu na bulumakau kei na vitu na sola sila.
ITALANOA 24
Vakatovolei Iratou na Tuakana o Josefa
Ena kila vakacava ke ratou sa veisau dina mai na gauna eratou volitaki koya kina me bobula?
ITALANOA 25
Toki na Matavuvale i Ijipita
Na cava era vakatokai kina na vuvale i Jekope mera Isireli sega ni kawa i Jekope?
ITALANOA 26
Yalodina Vua na Kalou o Jope
E vakyalia nona iyau o Jope, e tauvimate, e vakayali ratou tale ga na luvena. Vakacava e totogitaki koya tiko na Kalou?
ITALANOA 27
Liutaki Ijipita e Dua na Tui Ca
Na cava e tukuna kina vei ira na nona tamata mera vakamatei ira kece na gone lalai tagane kece ni Isireli?
ITALANOA 28
Nona Vakabulai na Gone o Mosese
E kila o tinana ni tukuni ena lawa mera vakamatei na gonelalai tagane kece ni Isireli.
ITALANOA 29
Na Vuna a Dro Kina o Mosese
A nanuma o Mosese ni sa rawa ni vakabulai ira na Isireli ni sa yabaki 40, ia a sega ni yaco qori.
ITALANOA 30
Na Vunikau Kama
E tukuna na Kalou vei Mosese ni sa kena gauna me liutaki ira na Isireli mera biubiu mai Ijipita ena veitaravi ni cakamana e cakava.
ITALANOA 31
Raici Fero o Mosese kei Eroni
Na cava e sega ni rogoci Mosese kina o Fero, qai sereki ira na Isireli?
ITALANOA 32
Na 10 na Kuita
E vakavuna na Kalou na 10 na veika rarawa e Ijipita, ni sega ni via sereki ira na Isireli o Fero ni Ijipita.
ITALANOA 33
Takosovi na Wasa Damudamu
Tawasea na Wasa Damudamu o Mosese ena kaukaua ni Kalou, ra qai takoso ena vanua mamaca na Isireli.