IWASEWASE 5
Nodra tu Vakavesu e Papiloni me Yacova na Tara Vou ni Bai kei Jerusalemi
E vakatovolei vakalevu na nodra vakabauta na Isireli nira tiko vakavesu mai Papiloni. Eratou a biu ina lovo bukawaqa o Setareki, Mesaki, kei Apetiniko, ia a vakabulai iratou na Kalou. A druka na mataivalu ni Papiloni vei Mitia kei Perisia. A biu ina qara ni laione o Taniela, ia a taqomaki koya tale ga na Kalou ni sogota na gusudra na laione.
Lakolako, sa qai sereki ira na Isireli o Sairusi na tui Perisia. Era lesu tale ina nodra vanua ni oti e 70 na yabaki nodra tiko vakavesu mai Papiloni. Era tekivu tara tale na valenisoro i Jiova ena gauna sara ga era suka yani kina i Jerusalemi. Ia sega ni dede era mai tarova na meca na nodra cakacaka. Sa qai tara vakaoti na valenisoro ni oti e rauta ni 22 na yabaki nodra mai tiko tale e Jerusalemi.
Tarava noda na vulica nona lesu mai Jerusalemi o Esera me mai ukutaka na valenisoro, ni oti e 47 na yabaki na kena tara vou. Ni oti tale e 13 na yabaki nona tiko o Esera, a mai veivuke o Niemaia ena kena vakavoutaki na bai kei Jerusalemi. E kovuta na iWasewase LIMA na 152 na yabaki me yacova sara na gauna oqori.
ENA IWASEWASE QO
ITALANOA 77
Eratou Sega ni Via Cuva
Vakacava ena vakabulai ratou na tolu na cauravou talairawarawa qo na Kalou mai na lovo bukawaqa?
ITALANOA 79
Taniela ena Qara ni Laione
Totogi mate o Taniela, ia rawa sara ga ni veisau na kena itotogi?
ITALANOA 80
Biuti Papiloni na Tamata ni Kalou
Vakayacora e dua na parofisai o Tui Sairusi e Perisia ni vakavuai Papiloni, ia qo e vakayacora tale e dua.
ITALANOA 81
Nuitaka na Veivuke ni Kalou
Era sega ni via muria na Isireli na lawa vakatamata mera talairawarawa kina vua na Kalou. Vakacava ena vakalougatataki ira kina na Kalou?
ITALANOA 82
O Moatekai kei Esiteri
E marama totoka o Ranadi Vasitai, ia e sosomitaki koya o Tui Easuerosi vei Esiteri me nona ranadi vou. Na vuna?
ITALANOA 83
Na Bai kei Jerusalemi
Nira tara tiko na bai, mera vakarautaka tiko na tamata cakacaka na nodra iseleiwau kei na moto ena siga kei na bogi.
