IWASEWASE 7
Vakaturi o Jisu me Yacova na Vesu i Paula
A vakaturi mai na mate o Jisu ena ikatolu ni siga. E rairai tale ga vakalima vei ira na nona imuri ena siga oqori, ia e duidui ga na gauna. E 40 taucoko na siga nona rairai tiko kina vei ira. Ia eratou rai sara tu ga e so na nona tisaipeli, sa lako cake i lomalagi o Jisu. Ni oti tale e tini na siga e qai sovaraka mai na yalo tabu na Kalou vei ira na imuri i Jisu era a wawa tiko e Jerusalemi.
Era biuti iratou na yapositolo i valeniveivesu ena dua na gauna emuri na meca ni Kalou. E qai sereki iratou e dua na agilosi ni Kalou. Era virilaki Sitiveni me mate na dauveitusaqati. Ia eda vulica tale ga nona digitaka o Jisu e dua na dauveitusaqati me nona tamata nuitaki, na yapositolo o Paula. Oti e tolu veimama na yabaki na mate i Jisu, a qai talai Pita na Kalou me lai vunau vei Konilio kei iratou nona vuvale eratou sega ni Jiu.
Rauta ni 13 tale na yabaki emuri, sa qai lako o Paula ena imatai ni nona ilakolako ni kaulotu. A tomani koya o Timoci ena ikarua ni nona ilakolako. Eda vulica ni levu sara na ka vinaka ratou a sotava o Paula kei ira na tomani koya ena nodra qarava na Kalou. Emuri sa qai vesu mai Roma o Paula. A sereki ena rua na yabaki e tarava. Ia a vesu tale qai vakamatei sara. E rauta ni 32 na yabaki na veika e yaco ena IWASEWASE 7.
ENA IWASEWASE QO
ITALANOA 102
Bula Tale o Jisu
Ni vaqiqica oti na vatu ena ibulubulu i Jisu e dua na agilosi, era kidacala na sotia era yadrava tu ena vanua ya na ka era raica.
ITALANOA 103
Curu ina Rumu Sogobutu
Na cava eratou sega ni kilai Jisu kina na nona tisaipeli ni sa vakaturi oti?
ITALANOA 104
Lesu i Lomalagi o Jisu
Ni bera ni gole cake i lomalagi o Jisu, e solia tale vei ratou na iotioti ni ivakaro.
ITALANOA 105
Wawaraki Tiko e Jerusalemi
Na cava e sovaraka kina o Jisu na yalo tabu vei ira na tisaipeli ena Penitiko?
ITALANOA 106
Sereki Mai Valeniveivesu
Era biuti ratou na yapositolo e valeniveivesu o ira na iliuliu ni lotu Jiu me ratou kua kina ni vunau, ia a duatani na inaki ni Kalou.
ITALANOA 107
Vakaviriki ena Vatu o Sitiveni
Dua na ka nona masu o Sitiveni ni vakaviriki ena vatu me mate.
ITALANOA 108
Na Sala i Tamasiko
Veisautaka sara ga na bula i Paula na rarama e veivakamatabokotaki kei na rorogo ni domo mai lomalagi.
ITALANOA 109
Sikovi Konilio o Pita
Vakacava, e raica na Kalou ni vinaka cake e dua ga na matatamata?
ITALANOA 111
Na Gone Tagane a Moce Lutu
A moce o Utiko ena imatai ni vunau i Paula, sega ni kena ikarua. E cakamana na ka e yaco ena maliwa ni rua na ivunau.
ITALANOA 112
Kasa na Waqa ena Dua na Yanuyanu
Na gauna sara ga era nanuma kina nira na mate kece, e qai vakatakila na Kalou vei Paula e dua na itukutuku e solia vua na inuinui.
ITALANOA 113
Tiko Mai Roma o Paula
E cakava rawa vakacava o Paula na nona cakacaka vakaiapositolo ni se vesu tu?
